Servizo de Normalización Lingüística do Concello de Vigo
O Servizo de Normalización Lingüística do Concello de Vigo é unha unidade que resolve as necesidades relativas ao uso do galego que xorden na administración viguesa.
No aspecto lingüístico, tanto de cara á administración como de cara á poboación, o seu traballo consiste en corrixir, traducir, resolver dúbidas e proporcionar material de consulta.
Dende o punto de vista normalizador, a unidade xestiona cursos de lingua galega ─especialmente de linguaxe administrativa─, fornece información respecto de axudas e subvencións relativas á lingua que se convocan dende a Xunta, organiza campañas de normalización lingüística dirixidas a sectores concretos, elabora léxicos e material de traballo para sectores determinados etc.