Sergei Aksakov

Na Galipedia, a Wikipedia en galego.
Sergei Aksakov.

Sergei Timofeevich Aksakov (en ruso Сергей Тимофеевич Аксаков), nado en Ufa o 1 de outubro de 1791 e finado en Moscova o 12 de maio de 1859, foi un escritor ruso.

Traxectoria[editar | editar a fonte]

Pequeno propietario rural conservador, traballou como funcionario como tradutor e censor de prensa. Conseguiu fama por Crónica de familia (1856), baseada na historia da súa propia familia, na que describe nun estilo naturalista, con grande influencia de Gogol, a vida de dúas xeracións de colonos na Asia rusa dende os tempos de Catarina a Grande.

En Anos de infancia (1856) describe a súa propia infancia como neto dun rico colono siberiano.