Sepultura (grupo musical)

Para outras páxinas con títulos homónimos véxase: Sepultura.

Sepultura
Sepultura no Metalmania 2007
Información
Orixe	Belo Horizonte, Minas Gerais, Brasil, Brasil
Período	1984 - actualidade
Xénero(s)	death metal, thrash metal, groove metal
Selo(s) discográfico(s)	Cogumelo Records Roadrunner Records SPV Records
Membros	Derrick Green Andreas Kisser Paulo Jr. Jean Dolabella
Antigos membros	Max Cavalera Iggor Cavalera Jairo Guedez
Web oficial	[1]

Sepultura é unha banda brasileira de metal creada no 1984 polos irmáns Max Cavalera e Iggor Cavalera en Belo Horizonte. É considerada a banda brasileira de metal de maior repercusión no mundo, fronte outras como Angra ou Krisiun.

Posúe influencias diversificadas, que van dende o black metal e death metal, pasando polo thrash metal e mesmo inspiracións externas ao metal, como hardcore punk, música tribal africana e xaponesa e música indíxena, entre outros diversos estilos musicais.

Sepultura leva editados doce álbums de estudio dende a súa formación. Os seus discos máis exitosos son Arise (1991), Chaos A.D. (1993) e Roots (1996). A banda leva vendidos uns 3 millóns de copias nos Estados Unidos e 20 en todo o mundo, gañando varios discos de ouro e de platino.

Biografía

Primeiros anos

A banda formouse no 1984. Por aquel entón, traducindo o tema de Motorhead “Dancing in your grave” (Bailando na túa sepultura) deron co nome apropiado para o grupo: Grave que en inglés significa Sepultura. A primeira demo da banda data de 1985 (mesmo ano do festival Rock In Rio) ata que os fichou unha pequena discográfica, "Cogumelo Produçoes", con quen gravan o seu primeiro E.P. "Bestial Devastation", compartindo o disco cunha banda chamada Overdose e o seu “Século XX".

Dado o éxito de vendas (máis de 5000 copias, que para unha banda Underground era unha cantidade considerable) Cogumelo Produçoes alíase con "Roadrunner Records" para lanzar o primeiro L.P da banda chamado Morbid Visions, co que comezaron a gañar seguidores con temas como War, Crucifiction, pero sobre todo con "Troops Of Doom", que se convertería no himno da banda por moitos anos. Nesta etapa Jairo T abandona a banda por razóns descoñecidas, sendo substituído por un mozo chamado Andreas Kisser. Agora é cando Sepultura realmente comeza.

En agosto de 1987 gravan Schizophrenia, un disco onde se nota a influencia deste novo guitarrista na banda, dándolle máis perfeccionismo e calidade. A banda faise coñecida en tódalas escenas "under" de moitas partes do mundo, con temas como Escape To The Void.

Roadrunner Records asegura a Sepultura nas súas filas, e para 1989 xa teñen listo o seu terceiro L.P., o disco que os faría despegar definitivamente, Beneath The Remains, contendo o segundo himno da banda: "Inner Self". Con el gañáronse xiras por Europa e vendas que nunca pensaron acadar por seren difíciles para unha banda latinoamericana.

Éxito internacional e abandono de Max

Agora debían facer outra entrega, que superara todo o anterior. Chegaba así en 1991 Arise. Se Beaneath The Remains lles deu a fama, Arise afianzaríaos como banda de culto. Sería precisamente este disco o que os levaría ao "Rock In Rio 2". Este disco é a culminación do estilo Death/Thrash da banda e dende aí comezaron a mutar paulatinamente a un son máis industrial cos seus dous seguintes álbums Chaos A.D 1993 e finalmente Roots 1996 (mezclado por Ross Robinson e coa participación de novas estrelas como Johnatan Davis de KoRn, DJ Lethal nos "scratches" e Mike Patton de Faith No More), dándolle así un estilo máis parecido ao nü metal agresivo. Aquí comezaron os problemas: a nova manager e esposa de Max, arranxaba os ensaios para que Max puidera adicarse a outros proxectos, o que ao resto da banda non lles gustou nada. Cando lle comunicaron a Max a decisión de cambiar de manager, este respondeu que se se ía ela, el tamén, e así foi, o mesmo Iggor comunicoulle o seu despedimento ao seu irmán, con quen aos 15 anos formara a banda.

Etapa Derrick Green

Max foise e formou a banda Soulfly, coa que xa sacou varios discos. Sepultura conseguiu un novo vocalista, o norteamericano Derrick Green. Nos últimos discos evolucionaron musicalmente, fusionando o thrash metal, con ritmos máis hardcore, percusións xaponesas, e obras máis conceptuais. Os álbums que gravaron con Derrick son Against (1998), Nation (2001), Revolusongs (2002) -disco enteiramente de versións-, Roorback (2003) -un dos discos máis influenciados polo hardcore- e Dante XXI (2006) -obra conceptual baseada en La Divina Commedia de Dante. Este disco acadou moi boas críticas, sendo moi ben recibido polos seus seguidores e achegándose a un son máis thrash, incluíndo partes instrumentais de vento metal, violíns, arpas....

O día 13 de xaneiro de 2006, Iggor Cavalera decidiu tomarse un descanso temporal, mor da súa separación coa súa anterior muller e ao nacemento do seu cuarto fillo coa súa nova esposa. Foi temporalmente substituído por Roy Mayorga (ex-Soulfly, Stone Sour) na xira europea con In Flames. Despois de varias noticias desmentidas polo propio Iggor e polos demais membros de Sepultura, Iggor definitivamente abandonou a banda alegando incompatibilidades artísticas o día 12 de xuño de 2006. Sepultura deixou caer que Jean Dolabella (ex-Udora/Diesel), substituirao na súa próxima xira, e agora é o batería estable.

Membros

Membros actuais

• Derrick Green - vocal
• Andreas Kisser - guitarra
• Paulo Jr. - baixo
• Jean Dolabella - bateria

Ex-membros

• Jairo Guedez - guitarra (1985-1986, agora baixista en Eminence)
• Max Cavalera - vocal, guitarra (1985-1996, agora en Soulfly)
• Iggor Cavalera - bateria (1985-2006)

Discografía

Álbums de estudio

• Morbid Visions (1986)
• Schizophrenia (1987)
• Beneath The Remains (1989)
• Arise (1991)
• Chaos A.D. (1993)
• Roots (1996)
• Against (1998)
• Nation (2001)
• Roorback (2003)
• Dante XXI (2006)

Álbums ao vivo

• Under a Pale Grey Sky (2002)
• Live in São Paulo (2005)

Recompilatorios

• The Roots Of Sepultura (1996)
• Blood-Rooted (1997)
• Roadrunner Records 25th Anniversary Series: Roots - (2005)
• The Best of Sepultura - (2006)

EPs

• Bestial Devastation (compartido con Overdose, 1985)
• Third World Posse (1992)
• Refuse/Resist - (1993)
• Natural Born Blasters - (1996)
• Procreation Of The Wicked - (1997)
• Revolusongs (2002)

Sinxelos

• "Arise" (1991)
• "Dead Embryonic Cells" (1991)
• "Under Siege (Regnum Irae)" (1991)
• "Territory" (1993)
• "Refuse/Resist" (1994)
• "Slave New World" (1994)
• "Ratamahatta" (1996)
• "Attitude" (1996)
• "Roots Bloody Roots" (1996)
• "Choke" (1998)
• "Tribus" (1999)
• "Against" (1999)
• "Convicted in Life" (2006)
• "Kairos" (2011)

Vídeos

VHS

• Under Siege (Live In Barcelona) (1992)
• Third World Chaos (1995)
• We Are What We Are (1996)

DVD

• Chaos DVD (Compilación dos 3 VHS da banda, 2002)
• Live In São Paulo (Espectáculo ao vivo, 2005)

Vídeoclips

• Inner Self do álbum Beneath The Remains.
• Arise do álbum Arise.
• Dead Embryonic Cells do álbum Arise.
• Desperate Cry do álbum Arise.
• Orgasmatron (cover do Motörhead) do álbum Arise.
• Refuse/Resist do álbum Chaos A.D..
• Territory do álbum Chaos A.D..
• Slave New World do álbum Chaos A.D..
• Roots Bloody Roots do álbum Roots.
• Attitude do álbum Roots.
• Ratamahatta do álbum Roots.
• Choke do álbum Against (este non é o vídeo oficial).
• Bullet The Blue Sky (cover do U2) do EP Revolusongs.
• Mindwar do álbum Roorback.
• Convicted In Life do álbum Dante XXI.

Ligazóns externas

• Sepultura Official Website
• Sepultribe - Site oficial dos fãs
• Sepularmy - Sepultura Promotion Community
• Sepultura - Comunidade no ORKUT