Senado de España

Senado
XIV lexislatura
Datos xerais
Ámbito	España
Creación	1977
Tipo	Cámara Alta das Cortes Xerais
Inicio de sesións	19 de xullo de 2016
Liderado
Presidente	Pilar Llop (PSOE) desde o 3 de decembro de 2019
Vicepresidente	Cristina Narbona (PSOE)
Composición
Membros	265 senadores
Grupos representados	PSOE      PP      ERC-S      EAJ-PNV      NA+      JxCAT      Vox      TE      ASG      EH Bildu
Salario	700437518000000000037.518 €
Título III da Constitución
Eleccións
Sistema electoral	Escrutinio maioritario plurinominal parcial con listas abertas
Última elección	10 de nov. de 2019
Sede(s)
Palacio del Senado Praza de la Marina Española, Madrid
Sitio web
www.senado.es

Palacio do Senado

O Senado é a cámara alta das Cortes Xerais, órgano constitucional que representa ao pobo español. É a cámara de representación territorial.

Antecedentes

O Senado ten o seu antecedente máis remoto no Estatuto Real, outorgado pola raíña María Cristina, rexente durante a minoría de idade de Isabel II, e que estableceu por primeira vez en España a configuración bicameral das Cortes, ao dividilas en dous Estamentos: o de Próceres do Reino e o de Procuradores do Reino.

O Estamento dos Próceres do Reino tiña unha composición mixta, con membros natos tales como os fillos do rei e os Grandes de España e membros de nomeamento real, limitado a individuos de clase, polo que quedaba unha cámara cuxa natureza correspondía en esencia á representación dos nobres e a xerarquía eclesiástica nas Cortes do Antigo Réxime.

A Constitución de 1837, aprobada como consecuencia dun motín que forzou á raíña rexente a sancionala, recolleu por primeira vez a denominación de «Senado» para a Cámara Alta das Cortes Xerais. O seu primeiro presidente foi José María Moscoso de Altamira, conde de Fontao.

Nas sucesivas Constitucións de 1845, 1856, 1869 e 1876 o Senado figurou como Cámara Colexisladora, en pé de igualdade co Congreso dos Deputados, agás, nalgúns casos, en materia de forzas armadas e de contribucións e crédito público, e ademais tivo en determinadas ocasións reservada a facultade de xulgar aos membros do Goberno acusados pola Cámara Baixa.

Durante a Segunda República Española quedou suprimido o Senado, decisión adoptada na sesión do 27 de outubro de 1931 por 150 votos contra 100. Tras perder a votación, Ángel Ossorio y Gallardo acusou os deputados conservadores e agrarios, que se retiraron do Parlamento, de non apoiarlle para impedir o triunfo do unicameralismo que preconizaban os socialistas.

Composición

Componse de 259 senadores, distribuídos da seguinte maneira:

• 4 senadores por cada unha das 47 provincias peninsulares.
• 3 senadores por Gran Canaria, Mallorca e Tenerife (cada unha).
• 2 senadores por Ceuta e Melilla (cada unha).
• 1 senador por Eivisa-Formentera, Menorca, Fuerteventura, La Gomera, El Hierro, Lanzarote e La Palma (cada unha).
• Cada Comunidade autónoma designa un senador e outro máis por cada millón de habitantes residentes no seu territorio.

O Senado é elixido por catro anos.

Funcións

Entre as súas funcións está:

• Integración territorial:

• Autorización de acordos entre Comunidades Autónomas.
• Toma de medidas para forzar ás Comunidades Autónomas a cumprir a legalidade.
• Control do Fondo de Compensación Interterritorial.

• Lexislativa.
• Control e impulso político.
• Control da política exterior.

Composición

Mesa do Senado

Mesa do Senado

Cargo	Titular	Lista
Presidenta	Pilar Llop	PSOE
Vicepresidenta primeira	Cristina Narbona	PSOE
Vicepresidente segundo	Pío García-Escudero	PP
Secretario primeiro	Francisco Manuel Fajardo Palarea	PSOE
Secretario segundo	Imanol Landa	EAJ-PNV
Secretario terceiro	Rafael Hernando	PP
Secretario cuarto	Cristina Ayala	PP

Véxase tamén

Outros artigos

• Composición do Senado de España
• Congreso dos Deputados

Ligazóns externas

• Páxina wed do Senado de España (en varias linguas).