Seixeles

Na Galipedia, a Wikipedia en galego.
République des Seychelles
Republic of Seychelles
República das Seixeles
Bandeira das Seixeles Escudo das Seixeles
Bandeira Escudo
Lema: Finis Coronat Opus

(galego: A fin coroa a obra)

Himno nacional: Koste Seselwa
 
SYC orthographic.svg
 
Capital
 • Poboación
Victoria
24.970 (2002)
Cidade máis poboada Victoria
Linguas oficiais
Criollo, francés, inglés
Forma de goberno República presidencialista
James Michel
Independencia
Do Reino Unido

29 de xuño de 1976

Superficie
 • Total
 • % auga
Fronteiras
Costas
Posto 200º
455 km²
Despreciable
0 km km
491 km km
Poboación
 • Total
 • Densidade
Posto 182º
81.188 (2005)
179 hab./km²
PIB (nominal)
 • Total
 • PIB per cápita

n/d
n/d
PIB (PPA)
 • Total (2006)
 • PIB per cápita
Posto 170º
US$ 979 millóns
12 058,43 (aprox.)
IDH (2003) 0.821 (51º) – Alto
Moeda Rupia de Seychelles
Xentilicio n/d
Fuso horario
 • en verán
UTC 4
UTC 4
Dominio de Internet .sc
Prefixo telefónico +248
Prefixo radiofónico S7A-S7Z
Código ISO 690 / SYC / SC
Membro de: Commonwealth, ONU, UA
Tódolos países do mundo

A República de Seixeles é un grupo de 115 illas situadas no Océano Índico, ao nordés de Madagascar, cunha superficie total de 455 km². A súa capital é Victoria, a única cidade do arquipélago, situada na illa Mahé, habitada por un terzo da poboación. Pertence á Commonwealth.


Posúe o único aeroporto e porto internacional do país, que recibe voos desde os aeroportos internacionais máis importantes do mundo, xa que a principal fonte de divisas do país é o turismo.

Unha das atraccións principais de Victoria é o Xardín Botánico onde poden observarse as tartarugas xigantes que só se atopan nestas illas e nas illas Galápagos.

A etnia predominante é a seychellois de raíces africanas e francesas, pero tamén hai minorías chinesas e indias. A maioría da poboación profesa o catolicismo, un 8% da poboación son anglicanos e hai un 2% de diversas relixións.

Seixeles é o que se coñece como un paraíso tropical. As illas conservan a súa beleza natural, con fermosas praias e un mar con excelentes condicións para os amantes do mergullo. Ten clima tropical con temperaturas que, anualmente, oscilan entre os 25 e 30 °C, con meses moi chuviosos de novembro a maio cando son alcanzadas polos ventos monzónicos.

O 26 de decembro do 2004, as illas foron afectadas polo tsunami causado por un terremoto submarino con epicentro en proximidades de Indonesia. O tsunami cobrou máis de 300.000 vítimas en diversas zonas do Océano Índico. No caso das Seixeles, os danos estimados chegaron aos 30 millóns de dólares, aínda que non sufriron perdas humanas xa que a poboación foi alertada sobre o desastre.

Historia[editar | editar a fonte]

As illas estaban deshabitadas cando comezaron a chegar comerciantes árabes. Os primeiros europeos en visitalas foron os portugueses en 1505. Ao estar na ruta cara a Asia, foron ocasionalmente ocupadas por piratas ata que Francia tomou posesión do territorio en 1756, recibindo o seu nome actual en honra do entón ministro de finanzas francés Jean Moreau de Séchelles.

O Reino Unido controlou as illas entre 1794 e 1811, sendo ocupadas definitivamente polos ingleses en 1814 logo das Guerras Napoleónicas. Convertéronse en colonia separada de Mauricio en 1903 e a independencia foi concedida en 1976 dentro da Commonwealth. O 5 de xuño de 1977 o avogado France-Albert René, quen era o primeiro ministro, tomou o poder e convértese en presidente, cargo no que se mantén ata o 14 de abril de 2004. A Constitución de 1979 fixo do país unha república socialista de partido único ata 1992. O sucesor de René é o actual presidente James Alix Michel, quen foi reelixido o 31 de xullo de 2006.

Goberno e política[editar | editar a fonte]

O presidente de Seixeles, quen é tanto o Xefe de estado como a cabeza do goberno, é elixido por votación popular por un período de 5 anos de oficio. A cámara de parlamento de Seixeles e a Asemblea Nacional consiste de 34 membros dos cales 25 son elixidos por votación popular, mentres que os 9 postos restantes son nomeados proporcionalmente de acordo á porcentaxe de votos recibidos por cada partido. Os mandatos de todos os membros teñen unha duración de 5 anos.

Organización político-administrativa[editar | editar a fonte]

Seychelles divídese en 25 distritos:

O famoso reloxo do centro de Victoria, capital de Seixeles

Xeografía[editar | editar a fonte]

As Seixeles son un arquipélago no Océano Índico. Está composto por unhas 115 illas tropicais, de orígen granítico e coralino. Delas, só 33 están habitadas. As chamadas Illas Interiores son o núcleo do país. As restantes illas son atois coralinos máis pequenos, moitos deles deshabitados. A illa de maior tamaño é Mahé.

A capital do país é a cidade de Victoria, situada en Mahé, nela vive cerca do 80% da poboación total. O punto máis alto das Seixeles é o Morne Seychellois que ten unha altura de 905 m.

O clima local é tropical, amornado e bastante húmido por influencias mariñas.

As illas, tal e como sinala a constitución do país, agrúpanse do seguinte modo:

Mapa das Seixeles.
  • 42 Illas graniticas: Mahé, Praslin, Silhouette, La Digue, Curieuse, Félicité, Frégate, St. Anne, North, Cerf, Marianne, Grand Sœur, Thérèse, Aride, Conception, Petite Sœur, Cousin, Cousine, Long, Récif, Round (Praslin), Anonyme, Mamelles, Moyenne, Ile aux Vaches Marines, L'Islette, Beacon (Ile Sèche), Cachée, Cocos, Round (Mahé), L'Ilot Frégate, Booby, Chauve Souris (Mahé),Chauve Souris (Praslin), Ile La Fouche, Hodoul, L'Ilot, Rat, Souris, St. Pierre (Praslin), Zavé, Harrison Rocks (Grand Rocher).
  • 4 illas mixtas, area, coral e granito: Denis, Bird, Coëtivy, Platte.
  • 29 illas de coral do Grupo Illas do Almirante: Desroches, Atol Poivre —comprende 3 illas: Poivre, Florentin e South Island—, Alphonse, D'Arros, Atol St. Joseph —comprende 14 illas: St. Joseph Ile aux Fouquets, Ressource, Petit Carcassaye, Grand Carcassaye, Benjamin, Bancs Ferrari, Chiens, Pélicans, Vars, Ile Paul, Banc de Sable, Banc aux Cocos e Ile aux Poules—, Marie Louise, Desnoeufs, African Banks —comprende 2 illas: African Banks e South Island—, Rémire, St. François, Boudeuse, Etoile, Bijoutier.
  • 13 illas de coral no Grupo de Farquhar: Atol Farquhar —comprende 10 illas: Bancs de Sable Déposés Ile aux Goëlettes Lapins Ile du Milieu North Manaha South Manaha Middle Manaha North Island e South Island—, Atol Providence (comprende dúas illas: Providence e Bancs Providence) e St Pierre.
  • 67 illas de coral no Grupo de Aldabra: Atol de Aldabra —comprende 46 illas: Grande Terre, Picard, Polymnie, Malabar, Ile Michel, Ile Esprit, Ile aux Moustiques, Ilot Parc, Ilot Emile, Ilot Yangue, Ilot Magnan, Ile Lanier, Champignon des Os, Euphrate, Grand Mentor, Grand Ilot, Gros Ilot Gionnet, Gros Ilot Sésame, Heron Rock, Hide Island, Ile aux Aigrettes, Ile aux Cèdres, Iles Chalands, Ile Fangame, Ile Héron, Ile Michel, Ile Squacco, Ile Sylvestre, Ile Verte, Ilot Déder, Ilot du Sud, Ilot du Milieu, Ilot du Nord, Ilot Dubois, Ilot Macoa, Ilot Marquoix, Ilots Niçois, Ilot Salade, Middle Row Island, Noddy Rock, North Row Island, Petit Mentor, Petit Mentor Endans, Petits Ilots, Pink Rock e Table Ronde—, Assumption, Astove e Atol de Cosmoledo (comprende 19 illas: Menai, Ile du Nord (West North), Ile Nord-Est (East North), Ile du Trou, Goëlettes, Grand Polyte, Petit Polyte, Grand Ile (Wizard), Pagode, Ile du Sud-Ouest (South), Ile aux Moustiques, Ile Baleine, Ile aux Chauve-Souris, Ile aux Macaques, Ile aux Rats, Ile du Nord-Ouest, Ile Observation, Ile Sud-Est e Ilot la Croix—.

Ecoloxía[editar | editar a fonte]

O arquipélago das Seixeles divídese en dúas ecorreixóns:

Economía[editar | editar a fonte]

Artigo principal: Economía de Seixeles.

Demografía[editar | editar a fonte]

O porto de Victoria.

Como as illas das Seixeles non tiveron poboación indíxena, os actuais seixelenses están compostos de inmigrantes, no seu maior parte de ascendencia francesa, africana, india e chinesa. O francés e o inglés son os idiomas oficiais xunto cun idioma crioulo baseado no francés. A maioría dos seixelenses son cristiáns, no seu maior parte católicos.

Ligazóns externas[editar | editar a fonte]

Commons
Commons ten máis contidos multimedia sobre: Seixeles