Sebastián Losada

Na Galipedia, a Wikipedia en galego.
Losada
Información persoal
Nome completo Sebastián Losada Bestard
Nacemento 3 de setembro de 1967
Lugar Madrid, España
Posición Dianteiro
Carreira xuvenil
1984-1987 Real Madrid
Carreira sénior
Anos Equipos Aprs (Gls)
1987–1988 RCD Espanyol (cedido) 33 (11)
1988-1991 Real Madrid 47 (20)
1991-1992 Atlético de Madrid 12 (1)
1992-1993 Sevilla FC 3 (0)
1993-1995 Celta de Vigo 53 (12)
Selección nacional
1995 España 1
* Partidos e goles só en liga doméstica.
† Aparicións (Goles)

Sebastián Losada Bestard, nado o 3 de setembro de 1967 en Madrid é un ex-futbolista que xogaba na demarcación de dianteiro.

Traxectoria[editar | editar a fonte]

Formouse nas categorías inferiores do Real Madrid, con cuxo primeiro equipo chegou a debutar o 9 de setembro de 1984, con 17 anos. Porén ante a falta de oportunidades foi cedido ao RCD Espanyol, onde foi subcampión da Copa da UEFA na tempada 1987/88 nunha final agónica a dous encontros ante o Bayer Leverkusen, na que tras marcar dous goles no partido de ida faiou o penalti decisivo tras o empate final

Ao finalizar a cesión volveu ao Real Madrid, onde militou tres tempadas sen moitas oportunidades para xogar, ata 1991 cando fichou polo Atlético de Madrid, tampouco tería sorte e marchariase do club antes de finalizar a primeira tempada tras varios enfrontamentos co presidente, Jesús Gil.

Tras un breve paso polo Sevilla FC, onde compartiu equipo con Diego Armando Maradona, fichou polo Celta de Vigo en 1993, co equipo vigués chegaría á final da Copa do Rei en 1994.

Tras finalizar contrato co Celta en 1995 retirouse do fútbol para adicarse á súa carreira de avogado.

No ano 2004 presentouse como candidato a presidir a Real Federación Española de Fútbol, pero non recibiu ningún voto.

Ca selección de fútbol[editar | editar a fonte]

Foi un habitual das categorías inferiores da Selección de fútbol de España, ca Sub-20 disputou o Mundial de Rusia chegando ata a final, encontro que perdería ante Brasil, porén foi o máximo goleador do campionato e membro do once ideal.

O 18 de xaneiro de 1995, ano da súa retirada, debutou ca Selección absoluta, nun encontro ante Uruguai.

Palmarés[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Perfíl do xogador en bdfutbol (en catalán)