Seán Mac Diarmada
  | |
| Biografía | |
|---|---|
| Nacemento | 28 de febreiro de 1883 Kiltyclogher (en)  |
| Morte | 12 de maio de 1916 (33 anos) Kilmainham Gaol (en) |
| Causa da morte | Pena de morte (Ferida por arma de fogo ) |
| Lugar de sepultura | Arbour Hill Cemetery (en) |
| Datos persoais | |
| País de nacionalidade | Reino Unido de Gran Bretaña e Irlanda |
| Actividade | |
| Ocupación | revolucionario , político |
| Membro de | |
| Carreira militar | |
| Lealdade | Bráithreachas na Poblachta |
| Conflito | Alzamento de Pascua |
 | |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde marzo de 2015.) |
Seán Mac Diarmada, nado como John MacDermott en Kiltyclogher (Condado de Leitrim) o 28 de febreiro de 1883 e finado na prisión de Kilmainham de Dublín o 12 de maio de 1916, foi un revolucionario irlandés e un dos heroes do Alzamento de Pascua de 1916 que posteriormente foron fusilados. Frecuentemente é chamado Sean MacDermott.
Biografía[editar | editar a fonte]
Seán Mac Diarmada naceu en Corranmore, cerca de Kiltyclogher, no condado de Leitrim (Irlanda), unha área oprimida. Estudou cos Irmáns Irlandeses e en 1908 trasladouse a Dublín, onde se involucrou en numerosas organizacións culturais e independentistas irlandesas, entre elas o Sinn Féin, a Irmandade Republicana Irlandesa (IRB), e a Conradh na Gaeilge (Liga Gaélica). Foi rapidamente escollido como membro do Consello Supremo da IRB, e máis tarde secretario.
En 1910 foi encargado da redacción do diario radical Irish Freedom, que fora fundado por el mesmo con Bulmer Hobson e Denis McCullough. Tamén se converteu nun organizador nacional da IRB, e foi posto baixo a tutela do veterano feniano Tom Clarke, feito que os fixo inseparables. Pouco despois, padeceu poliomielite e viuse obrigado a camiñar cun caxato.
En novembro de 1913, Mac Diarmada foi un dos membros fundadores dos Voluntarios Irlandeses, e continuou a traballar por manter esta organización baixo o control da IRB. En maio de 1915 Mac Diarmada foi arrestado en Tuam (Condado de Galway) pola Defense of the Realm Act por ter feito un discurso contra o alistamento no Exército Británico. Foi liberado en setembro, e uniuse ao Comité Militar Segredo da IRB, que foi o responsable de planear o Alzamento de Pascua.
Alzamento de Pascua[editar | editar a fonte]
De todos xeitos, Mac Diarmada case non tomou parte na loita durante o Alzamento a causa da súa discapacidade, mais sempre estivo no cuartel dos rebeldes, Oficina Xeral de Correos. Logo da rendición escapou da execución porque estaba ferido e se mesturou entre outros prisioneiros, mais foi recoñecido por Daniel Hoey e xulgado por unha corte marcial, sendo condenado a morte e executado por un pelotón de fusilamento o 12 de maio de 1916 aos 33 anos. En setembro de 1919, Hoey foi morto dun disparo pola Squal de Michael Collins. O oficial británico Lee-Wilson, que o mandara fusilar, foi máis tarde apresado e executado en Cork por orde directa de Michael Collins durante a Guerra de Independencia Irlandesa.
En Dublín hai unha rúa en honor a Seán MacDermott. Tamén ten o seu nome unha estación de ferrocarril en Sligo, así como o estadio Páirc Seán Mac Diarmada da Asociación Atlética Gaélica en Carrick-on-Shannon. A Torre Sean MacDermott de Ballymun, demolida no 2005, tamén foi chamada así no seu honor. A súa casa en Kiltyclogher é Monumento Nacional.
