Sander
| Sander | |||||||||||||
|---|---|---|---|---|---|---|---|---|---|---|---|---|---|
 Sander vitreus | |||||||||||||
| Clasificación científica | |||||||||||||
| |||||||||||||
| Especie tipo | |||||||||||||
| Sander lucioperca (Linnaeus, 1758) | |||||||||||||
| Especies | |||||||||||||
|
| |||||||||||||
| Sinonimia | |||||||||||||
| |||||||||||||
Sander (anteriormente chamado Stizostedion) é un xénero de peixes da familia dos pércidos. Teñen un aspecto intermedio entre as percas (coas que están estreitamente emparentados) e os lucios (da familia dos esócidos, cos que non están estreitamente emparentados).
Etimoloxía[editar | editar a fonte]
O seu nome procede da voz alemá zander (nome común da lucioperca).[1]
Descrición[editar | editar a fonte]
- Corpo alongado con cabeza grosa e bicuda.
- Boca grosa con dentes caninos afiados.
- Preopérculo cunha beira posterior aserrada.
- de 43 a 48 vértebras.
- Dúas aletas dorsais separadas.
- Liña lateral estendida ata a aleta caudal.
- Vexiga natatoria ben desenvolvida.
- Raios da aleta anal feblemente osificados.[1]
Distribución xeográfica[editar | editar a fonte]
É un xénero moi presente nas augas temperadas e frías do hemisferio norte, no que están incluídas tres especies de distribución euroasiática e dúas norteamericanas. A súa orixe parece ser europea, xa que se cre que unha emigración de poboacións desde Europa no Eoceno deu orixe ás especies norteamericanas.[1]
Observacións[editar | editar a fonte]
Pola calidade da súa carne estes peixes son moi aprezados culinariamente e mesmo son criados en piscifactorías e granxas en Europa central e oriental. Non obstante, a súa introdución en ecosistemas para eles alleos causa grandes trastornos, xa que son depredadores voraces, como é o caso da lucioperca, considerada especie invasora na Península Ibérica.[1][2]
Especies[editar | editar a fonte]
O xénero inclúe as seguintes 5 especies:
- Sander vitreus Mitchill, 1818
- Sander lucioperca Linnaeus, 1758 (lucioperca)
- Sander canadensis Griffith & Smith, 1834
- Sander marinus G. Cuvier, 1828
- Sander volgensis J. F. Gmelin, 1789 (lucioperca do Volga).
Notas[editar | editar a fonte]
- ↑ 1,0 1,1 1,2 1,3 www.ittiofauna.org (en italiano)
- ↑ Kottelat, M. & J. Freyhof (2007): Handbook of European freshwater fishes. Publications Kottelat, Cornol, Suíza. 646 p. ISBN 978-2-8399-0298-4.
