San Sebastián de la Gomera

Na Galipedia, a Wikipedia en galego.
San Sebastián de la Gomera
Escudo de San Sebastián de La Gomera.svg
Situación xeográfica
La Gomera municipio San Sebastián de la Gomera.svg
País España España
Comunidade autónoma Canarias Canarias
Provincia Provincia de Santa Cruz de Tenerife - Bandera.svg Santa Cruz de Tenerife
Illa Bandera La Gomera.PNG La Gomera
Xeografía
Altitude 128 msnm
Superficie 113,59 km²
Poboación
Poboación 9.120 hab. (2011)
Densidade 80,29 hab/km²
Xentilicio Hermigüense
Información
Código postal 38880
Alcalde Ángel Luis Castilla Herrera (PSOE)
Páxina web www.sansebastiangomera.org

San Sebastián de la Gomera, coñecido popularmente como La Villa, é un municipio español pertencente á provincia de Santa Cruz de Tenerife. É a capital da illa de La Gomera, pertencente ás Canarias. Neste municipio atópase a ermida da Virxe de Guadalupe, patroa da illa.

Ten unha poboación de 9.120 habitantes (INE, 2011). Ademais do casco, as entidades poboacionais máis importantes son El Molinito, Laguna de Santiago e Tecina. Preto de 1850 absorbeu ao municipio de Jerduñe.

Descrición[editar | editar a fonte]

Vista da vila

Está situado ao leste da illa. Ten unha extensión de 114,47 km² e a súa altitude é de 5 metros sobre o nivel do mar.

Conta cun porto comercial, polo que pasou Cristóbal Colón nas súas viaxes ao continente americano. O lugar onde se aloxou, a Casa de Colón, é agora un museo.

Neste municipio atópase La Torre del Conde que foi construída entre os anos 1447 e 1450 polo Conde da Gomera. Durante unha rebelión dos nativos da illa foi lugar de refuxio para os españois. Tamén destaca en San Sebastián a igrexa da nosa Señora da Asunción e a Ermida de San Sebastián.

A economía no pasado estivo baseada na agricultura, pero nos últimos anos cobrou importancia o sector servizos.

Ao redor de 1599, un grupo de holandeses intentaron invadir a illa polo porto da Vila, pero foron rexeitados polos gomeros.

Panorama[editar | editar a fonte]

A Vila de San Sebastián de la Gomera atópase nun val á beira do mar, a "silueta" de San Sebastián está dominada pola figura do Teide situado na illa de Tenerife. A montaña é claramente visible desde a maior parte da illa de La Gomera, incluída a súa capital San Sebastián de la Gomera, e é representada a miúdo por artistas gomeros en pinturas, souvenirs e demais obxectos.


San Sebastián de La Gomera, Tenerife e Teide no fondo

San Sebastián de La Gomera, Tenerife e Teide no fondo


Véxase tamén[editar | editar a fonte]

Commons
Commons ten máis contidos multimedia na categoría: San Sebastián de la Gomera

Ligazóns externas[editar | editar a fonte]