Halita
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2017.) |
| Halita | |
|---|---|
 Cubo imperfecto de halita | |
| Fórmula química | NaCl |
| Clase | Haluros |
| Sistema cristalino | Cúbico |
| Cor | Incolora, branca, amarela, vermella, gris e azul |
| Brillo | Vítreo algo mate |
| Dureza | 2 |
| Fractura | Concoidea |
| Exfoliación | Perfecta, en cubos |
| Raia | Branca |
| Densidade | 2,1-2,2 g/cm3 |
A halita[1] (tamén chamada sal xema[2] ou sal de rocha) é un mineral da clase dos haluros cuxa fórmula química é NaCl (39,3% de sodio e 60,7% de cloro). É pois, un mineral composto na súa totalidade por cloruro de sodio.
Aspecto[editar | editar a fonte]
Na súa forma cristalina adopta a figura dun cubo. Tamén aparece formando masas e máis rara vez en forma de octaedros. A súa coloración varía segundo as impurezas que teña na súa composición.
Lugares onde se atopa[editar | editar a fonte]
A halita é un mineral moi abundante en terreos sedimentarios, pérmicos, triásicos e terciarios. Xace en capas, alternándose con xeso e as arxilas, impregnando margas (chamadas por isto salíferas). Encóntrase disolta en altas cantidades na auga do mar e nalgunhas lagoas chamadas salinas coma as de Torrevieja (Alacant) e San Carlos de la Rápita (Tarragona).
Usos da halita[editar | editar a fonte]
A halita é utilizada na industria química como fonte de sodio e cloro e para fabricar sosa e ácido clorhídrico, na cociña como condimento e conservante de alimentos, na agricultura como fertilizante e no gando como alimento para animais.
Propiedades[editar | editar a fonte]
É soluble en auga e de sabor salgado.
Outros haluros[editar | editar a fonte]
Outros haluros a destacar son a fluorita e a silvina.
Véxase tamén[editar | editar a fonte]
Outros artigos[editar | editar a fonte]
- ↑ Definición de halita no Dicionario de Galego de Ir Indo e a Xunta de Galicia.
- ↑ Definicións no Dicionario da Real Academia Galega e no Portal das Palabras para sal. Ver Frases e expresións con sal.