Símil

Na Galipedia, a Wikipedia en galego.


O símil, tamén chamado comparación poética, é un recurso estilístico, concretamente unha figura retórica de pensamento.

Nel establécese unha relación de semellanza entre un termo real (TR) e un termo imaxinario (TI), enaltecedor ou degradante, co que se compara o primeiro. Debe estar expreso o nexo comparativo como ou coma (ou outro que o substitúa: o mesmo que, semellante a, tal que, parece, cal...). O símil diferénciase da metáfora en que o TR non se identfica co TI; cada un mantén a súa identidade. Para algúns tratadistas o símil indica unha relación de igualdade, mestres que a comparación implica superioridade ou inferioridade dun termo respecto doutro.

Exemplos[editar | editar a fonte]

Fun n-outro tempo encarnada
como o color d'a sireixa;
son hoxe descolorida
como os cirios d'as igrexas,