Rurutu

Na Galipedia, a Wikipedia en galego.
Rurutu
Vista da illa
Vista de Rurutu desde satélite
Datos
Capital Moerai
País Francia
Localización Océano Pacífico
Arquipélago Illas Austrais
Linguas
Poboación (2007) 2.210 hab.
Superficie 32,75 km²
Densidade 63,76 hab./km2
Coordenadas 22°27′S 151°20′W / 22.450°S 151.333°W / -22.450; -151.333
Maior Altura 412 m. Manureva
Localización
Localización

Rurutu é unha das illas Austrais, localizadas na Polinesia Francesa. Está situada a 572 km ao sur de Tahití e a 210 km ao noroeste de Tubuai.

Características[editar | editar a fonte]

A superficie total é de 32 km² cunha forma que recorda o continente africano. Ten unha estrutura xeolóxica sen arrecifes nin lagoa que a protexa do océano. A costa é escarpada, con moitas covas con estalactitas e estalagmitas. A altitude máxima é de 398 metros nos montes Manureva e Taatioe.

A poboación total era de 2.189 habitantes no censo de 2002. As aldeas principais son Moerai (a capital da comuna), Hauti e Avera. Desenvolveuse o turismo para observar as baleas que se achegan ata a costa. Durante o ritual Tere, celebrado en xaneiro, pódese asistir á proba da Amoraa oa'i, que consiste en levar unha pedra que pode pesar ata 150 kg. Aínda así a maioría da poboación dedícase á pesca e agricultura de subsistencia.

Historicamente tamén se nomeou Oheteroa e Hitiroa. Os traballos arqueolóxicos permitiron datar a chegada dos polinesios cara ao 900 dC. O primeiro europeo en chegar foi James Cook, en 1769. Para previr a expansión británica desde as illas Cook cara ás Austrais, Francia estableceu o seu protectorado en Rurutu en 1889, e despois foi anexada en 1900.