Rub al-Khalí

Na Galipedia, a Wikipedia en galego.
O Rub' al-Khali
Dunas no Rub' al Khali

Rub al-Khalí é unha parte do deserto arábigo de 580.000 quilómetros cadrados nos estados de Iemen, Omán, Emiratos Árabes Unidos e Arabia Saudí, tamén chamado "a media lúa baleira". Por tanto, é un dos maiores desertos de area do mundo.

Historia[editar | editar a fonte]

O significado orixinal de Rub al-Khalí en árabe é "cuarto desertico" e polas súas estremas transitan beduínos comerciantes (alí chamados bedus) das tribos de Saar, Raxid, Manahil, Mahrah, Auamir, Baniiás e Dauasir. Rara vez é cruzado directamente (salvo por aventureiros na época colonial: Charles Doughty, Anne Blunt, sir Richard Burton, Gertrude Bell, T. E. Lawrence, Bertram Thomas, etc.)

Inda que ten unha boa parte de afloramentos rochosos e chairas de xabre, coñécese tamén por "as areas" pola súa extensión de area, que o converte no mar de area máis extenso do mundo, con dunas de ata 250 metros de alto. Mais o seu subsolo agocha outra riqueza: nos anos 1930 descubríronse uns xacementos de petróleo debaixo do deserto e creouse a Arabian-American Oil Company (Aramco) para a súa comercialización. Agora esta empresa xa non ten capital norteamericano e isto fornece enormes beneficios ó estado saudí, que conta cunha das maiores rendas per cápita do mundo grazas a isto (o cal lle permite, por exemplo, construír markhases). As exploracións ulteriores aínda amosaron máis xacementos (Xaibah en 1990, de 775 quilómetros cadrados e con catorce mil millóns de barrís de cru Arab, un dos mellores do mundo) e polo deserto trazáronse oleodutos de ata 635 quilómetros (construídos por 14.000 operarios) ata a refinería de Abqaiq.

Neste deserto poden atoparse fenómenos xeográficos coma uadi, uruquín (o de al-Mutaridah, "a vea continua"), sabhas (a de Umm as-Sammim, "Nai dos velenos") ou barhanas, e é onde se cultiva o qat.

Costumes[editar | editar a fonte]

O costume do saúdo beduíno ós viaxeiros neste deserto tén tres pasos:

  • antes de achegarse de todo a un campamento, debe enviarse un emisario que informará das intencións dos visitantes;
  • gritar "salamu galaikum" (a paz sexa contigo) varias veces axitanto a man dereita para amosar que se vai desarmado;
  • coller area e lanzala polo aire coa man dereita, xesto de paz en Arabia Saudí;

Esta tradición espállase tamén á compaña dos membros das tribos coas que haxa conflito, obrigando a unha lei da hopitalidade que tamén se estende ó deserto do Sáhara.

Véxase tamén[editar | editar a fonte]

Commons
Commons ten máis contidos multimedia na categoría: Rub al-Khalí

Bibliografía[editar | editar a fonte]

  • Donovan Meister & George Steinmetz (2005) Media luna vacía. En: Revista National Geographic edición española de febreiro de 2005.