Rombozoos

Na Galipedia, a Wikipedia en galego.
Rombozoos / Diciémidos
Rhombozoa vel Dicyemida
Dicyema macrocephalum.png
Clasificación científica
Superreino: Eukaryota
Reino: Animalia
Subreino: Mesozoa
Filo: Rhombozoa

A. Krohn, 1839

Os rombozoos (Rhombozoa) ou diciémidos (Dicyemida) son un grupo de animais, constituído por pequenos parasitos dos riles de peixes e moluscos (polbos e luras). Viven en mucosas e outros lugares cun ambiente practicamente anaeróbico. Existen aproximadamente 75 especies. Cada adulto ten aproximadamente 30 células.

Estrutura[editar | editar a fonte]

O estadio máis frecuente nestes animais é o de adulto ou nematóxeno. O nematóxeno é un animal pequeno, ciliado, vermiforme e cun número constante de células superficiais ou somatodermo (entre 10 e 15 células segundo a especie) rodeado por unha célula axial alongada e central onde se forman os embrións vermiformes. Nos cefalópodos adultos, as células axiales forman una gónada hermafrodita que produce un óvulo fertilizado polo esperma producido nesa mesma gónada. Cando o hospedador chega á madurez sexual, os nemátoxenos pasan a rombóxenos, cargándose algúnhas células de inclusións e dando lugar a células verruciformes. As células xerminais dos rombóxenos dan lugar a unha larva infusoriforme. Dentro da larva está un espazo chamado furna con catro células centrais rodoeado por detrás e lateralmente por outras células grandes e planas. Diante das células centrais hai unha cavidade da furna, pechada por dúas células ciliadas que están detrás das células apicais.

Unha vez que a larva infusoriforme sae do hospedador descoñécese o resto do seu ciclo vital aínda que se supón que entra noutro hospedador.

Clasificación[editar | editar a fonte]

Os rombozoos ou diciémidos pódense dividir nos seguintes grupos:

  • Orde Heterocyemida
    • Familia Conocyemidae.
      • Xénero Conocyema ( 2 especies)
      • Xénero Microcyema ( 1 especie: M. vespa)
  • Orde Dicyemida
    • Familia Dicyemidae
      • Xénero Dicyema ( 13 especies)
      • Xénero Dicyemennea ( 3 especies)
      • Xénero Dicyemodeca ( 3 especies)
      • Xénero Dodecadicyema ( 1 especie: D. loligoi)
      • Xénero Pleodicyema ( 1 especie: P. delamarei)
      • Xénero Pseudicyema ( 1 especie: P. truncatum)
    • Familia Katharellidae
      • Xénero Kantharella ( 1 especie: K. antarctica)

Listaxe dos rombozoos máis coñecidos (por orde alfabética do nome científico)[editar | editar a fonte]

  • Dodecadicyema loligoi
  • Kantharella antarctica
  • Microcyema vespa
  • Pleodicyema delamarei
  • Pseudocyema truncatum

Véxase tamén[editar | editar a fonte]

Bibliografía[editar | editar a fonte]

  • Furuya, H. & K. Tsuneki (2003): "Biology of Dicyemid Mesozoans". Zoological Science 20: 519-532.
  • Furuya, H., F. G. Hochberg, & K. Tsuneki (2003): "Reproductive traits in dicyemids". Marine Biology 143: 693-706.
  • Hochberg, F. G. (1982): "The "kidneys" of cephalopods: a unique habitat for parasites". Malacologia 23: 121-134.
  • McConnaughey, B. H. (1951): "The life cycle of the dicyemid Mesozoa". University of California Publications in Zoology 55: 295-336.
  • Pawlowski, J. I. et al. (1996): "Origin of the Mesozoa inferred from 18S rRNA gene sequences". Molecular Biology and Evolution 13: 1128-1132.


Filos do Reino Animal
Acanthocephala | Acoelomorpha | Annelida | Arthropoda | Brachiopoda | Bryozoa | Chaetognatha | Choanozoa | Chordata | Cnidaria | Ctenophora | Cycliophora | Echinodermata | Entoprocta | Gastrotricha | Gnathostomulida | Hemichordata | Kinorhyncha | Loricifera | Micrognathozoa | Mollusca | Monoblastozoa | Nematoda | Nematomorpha | Nemertea | Onychophora | Orthonectida | Phoronida | Placozoa | Platyhelminthes | Porifera | Priapulida | Rhombozoa | Rotifera | Sipuncula | Tardigrada | Vetulicolia† | Xenoturbellida