Rodrigo Pacheco y Osorio

Na Galipedia, a Wikipedia en galego.
Rodrigo Pacheco y Osorio de Toledo

Rodrigo Pacheco e Osorio, marqués de Cerralbo, nado en Ciudad Rodrigo no ano 1580 e morto en Bruxelas (Flandres) en abril de 1640, foi un destacado aristócrata leonés que ocupou altos cargos nos reinados e Filipe III e Filipe IV. Fillo de Juan Pacheco de Toledo e Inés de Toledo, foi gobernador e capitán xeral do reino de Galiza entre os anos 1615 e 1624, foi nomeado vicerrei da Nova España o 3 de novembro de 1624.

A súa primeira acción como vicerrei foi prender a unha flotilla holandesa que pretendía invadir o porto de Acapulco, poñendo en estado de defensa ao devandito porto para evitar unha invasión holandesa ou francesa, xa que o Imperio dos Habsburgo se atopaba en guerra con estes países. Neste período a cidade de México tivo a peor inundación da súa historia. Pensouse mesmo que a cidade desaparecería, pois a auga ascendeu até os 2 metros e tardou máis de catro anos en retirarse por completo.

Como as incursións de indios alzados producíanse no norte do Nuevo Reino de León, foi fundado un presidio ao que se chamou Cerralvo en honra do vicerrei.

En 1635 regresou Rodrigo Pacheco á Península ibérica para ser embaixador en Viena.