Rodrigo Leão

Na Galipedia, a Wikipedia en galego.
Rodrigo Leão
Nacemento15 de outubro de 1964
Lugar de nacementoLisboa
NacionalidadePortugal
Ocupacióncompositor, músico e pianista
PremiosGrande-Oficial da Ordem do Infante Dom Henrique
Na rede
http://www.rodrigoleao.pt
IMDB: nm0508195 Allocine: 487603 Allmovie: p751650
Facebook: rodrigoleaomusic Twitter: rodrigolmusic Souncloud: rodrigo-leao-app Musicbrainz: f3df0b46-d21a-4230-9a94-4082e8d6860b Songkick: 1124418 Discogs: 100695 Allmusic: mn0001252797 Editar o valor em Wikidata
editar datos en Wikidata ]

Rodrigo Leão, nado en Lisboa en 1964, é un músico, instrumentista de teclado e baixo, e compositor portugués, cofundador do grupo Sétima Legião e compoñente tamén de Madredeus.

Traxectoria[editar | editar a fonte]

En 1982 fundou a banda Sétima Legião xunto con Pedro Ayres Magalhães e Gabriel Gomes, membros de Madredeus. O nome escollido era o da lexión romana que foi a Lusitania. Dita banda sería unha grande innovación ao mesturar música folk con electrónica. Aquela experiencia mudou a concepción da música moderna portuguesa ao explorar un campo orixinal e novidoso.

Como artista en solitario segue un camiño instrumental que combina teclados electrónicos e instrumentos de corda clásicos, inspirado ao mesmo tempo pola música erudita e a música minimalista contemporánea. Suspende temporalmente os Sétima Legião entre 1993 e 1996 debido á falta de tempo polo crecente éxito do seu primeiro álbum en solitario. Abandona definitivamente os Madredeus no 1994 para dedicarse por completo á súa carreira en solitario e á preparar os álbums Mysterium (1995) e Theatrum (1996).

Despois de abandonar Madredeus comezou a explorar a combinación das súas composicións clásicas-modernas con formas de canción e instrumentación mais tradicional. Conta sempre con moitos importantes colaboradores, é o caso de Lula Pena ou Adriana Calcanhotto, a cantante brasileira, no CD Alma Mater. Entre os convidados nos seus traballos constan Sónia Tavares e Nuno Gonçalves dos The Gift e Rui Reininho dos GNR que participou na gravación do seu álbum en vivo titulado Pasión. Co disco Alma Mater o músico recibiu dous importantes títulos de recoñecemento público, o de Disco do Ano e o de Artista do Ano.

En 2004 editou Cinema, disco considerado polo editor da revista americana Billboard un dos mellores editados nese ano. Neste traballo participaron Beth Gibbons e Riuychi Sakamoto.

Discografía[editar | editar a fonte]

Con Sétima Legião[editar | editar a fonte]

  • Glória/Partida (Single, 1983)
  • A um Deus Desconhecido (1984)
  • Mar de Outubro (1987)
  • De Um Tempo Ausente (1989)
  • O Fogo (1992)
  • Sexto Sentido (1999)
  • História da Sétima Legião: Canções 1983-2000 (2000)
  • História da Sétima Legião II: Músicas 1983-2003 (2003)

Con Madredeus[editar | editar a fonte]

  • Os Dias da MadreDeus (1987)
  • Existir (1990)
  • Lisboa (en directo en Lisboa, 1992)
  • O Espírito da Paz (1994)

En solitario[editar | editar a fonte]

  • Ave Mundi Luminar (1993)
  • Mysterium (1995)
  • Theatrum (1996)
  • Alma Mater (2000)
  • Pasión (2003)
  • Cinema (2004)
  • O Mundo (1993-2006) (2006)
  • Portugal, Um Retrato Social (2007)
  • A Mãe (2008)

Véxase tamén[editar | editar a fonte]

Ligazóns externas[editar | editar a fonte]