Ricardo Martín Esperanza
Biografía | |
---|---|
Nacemento | 29 de setembro de 1911 Ourense, España |
Morte | 17 de outubro de 1983 (72 anos) Madrid, España |
Procurador en Cortes | |
11 de novembro de 1971 – 30 de xuño de 1977 Lexislatura: X lexislatura das Cortes franquistas | |
Procurador en Cortes | |
24 de xuño de 1970 – 12 de novembro de 1971 ← David Ferrer Garrido Lexislatura: IX lexislatura das Cortes franquistas | |
Alcalde | |
Datos persoais | |
País de nacionalidade | España |
Actividade | |
Lugar de traballo | Madrid |
Ocupación | político |
Lingua | Lingua castelá |
Ricardo Martín Esperanza, coñecido como Caíto, nado en Ourense o 29 de setembro de 1911 e finado en Madrid o 17 de outubro de 1983, foi un político galego.
Traxectoria[editar | editar a fonte]
Vencellado ao tradicionalismo, formou parte, xunto con Eduardo Valencia e Francisco Rodríguez, do Triunvirato Provincial de Falange Española de las JONS, constituído en Canedo en 1934[1]. Logo do triunfo do Frente Popular nas eleccións de febreiro de 1936, foi detido pola súa filiación falanxista. Foi desterrado a Asturias e despois a Verín. Pasou a Guerra Civil na zona republicana e ao rematar estivo un tempo nun campo de concentración e pasou despois á Coruña. Foi o primeiro Director Xeral da Caixa de Aforros Provincial de Ourense (1948-1974), alcalde de Ourense (1970-1974) e procurador nas Cortes Españolas. En 1981 viuse implicado nun escándalo financeiro pola súa xestión en Caixa Ourense[2]. Logo de sucesivos aprazamentos pola doenza cardíaca que padecía, viuse a causa na Sala II do Tribunal Supremo. Condenado, foi indultado de parte da condena no mesmo xuízo e tampouco chegou a cumprir a pena de reclusión menor pola súa enfermidade. Logo de permanecer internado dous meses no verán de 1981, concedéronlle a liberdade condicional. Logo déronlle un indulto especial, sendo ministro de Xustiza Pío Cabanillas. Finou en Madrid o 17 de outubro de 1983.[3][4]
Predecesor: David Ferrer Garrido |
Alcalde de Ourense 1970 – 1974 |
Sucesor: Miguel Riestra París |
Vida persoal[editar | editar a fonte]
Casou con Vicenta Pérez López e foi pai de Ricardo, Victoria e Isabel Martín-Esperanza Pérez.
Notas[editar | editar a fonte]
- ↑ Meleiro, Fernando (1957). Anecdotario de la Falange de Orense. Madrid: Ediciones del Movimiento. p. 10.
- ↑ Retirada la acusación de la Caja de Ahorros de Orense contra su ex director general Ricardo Martín Esperanza
- ↑ La Voz de Galicia, 18-10-1983, p. 20.
- ↑ Necrolóxica en ABC, 22-10-1983, p. 80