Revista de Casa América-Galicia
| Revista de Casa América-Galicia | |
|---|---|
| País | España |
| Lugar de publicación | A Coruña |
| Na rede | |
 | |
| [ editar datos en Wikidata ] | |
Revista de Casa América-Galicia foi unha revista editada na Coruña de 1922 a 1923.
Historia e características[editar | editar a fonte]
Apareceu en setembro de 1922 como continuadora de América-Galicia, da que proseguiu a súa numeración retomándoa no número 21. Julio José Casal, o director e difusor da publicación, era o secretario xeral de Casa América-Galicia, unha asociación orientada ao comercio entre España e América. Na revista dábaselles publicidade á actividade consular, á entrada e saída de barcos do porto da Coruña e ás actividades dos bancos, así como á información relativa aos actos relacionados con España que tiñan lugar en distintos puntos de América. A partir do número 25 a revista pasou a ter un carácter especificamente literario e nas súas páxinas editaron as súas composicións poéticas Eladio Rodríguez González, Luís Amado Carballo, Eugenio Montes e Vicente Risco. En agosto de 1923 publicou o seu número 32 e despois cambiou o seu nome por Alfar.
