Resistência Galega

Na Galipedia, a Wikipedia en galego.
(Redirección desde «Resistencia Galega»)
Resistência Galega
Tipoorganización armada
IdeoloxíaIndependentismo galego, socialismo e feminismo
Data de fundación2005
PaísEspaña
[ editar datos en Wikidata ]

Resistência Galega é unha organización armada galega nada no 2005.[1] Considerada "organización terrorista" polo Goberno de España,[2][3] a EUROPOL,[4] a Audiencia Nacional,[5] e o Tribunal Supremo[6][7] diversos xornalistas, politicólogos e partidos políticos[8][9] poñen en dúbida a súa existencia sobre a base da falta de evidencia unha organización ou unha dirección coñecida,[10] acusacións pouco consistentes,[11][12] ou a falta de atentados reivindicados no seu nome. O termo nace a partir dun Manifesto de Resistência Galega[13] publicado no 2005.

Historial do termo[editar | editar a fonte]

Pintada a favor de Resistência Galega nun caixeiro de Novagalicia Banco en Redondela.

A primeira referencia ao termo Resistência Galega aparece nos días previos ao Día da Patria de 2005, cando se publica en Internet un Manifesto pola Resistência Galega. O manifesto anima á "luita popular galega pola Libertação nacional e social da Galiza", xustificando a loita armada, e propugnando unha resistencia sen nomes nin siglas, anónima.

Durante os dous anos seguintes, aparece o lema Resistência Galega relacionado a distintos actos violentos, en forma de pintadas nos lugares atacados[14], ou en comunicados reivindicando os actos[15]. Chegou a especularse coa posibilidade da existencia dun grupo organizado baixo este nome, supostamente liderado por Toninho e outros dous fuxidos[16]. Así, a prensa ten atribuído distintos atentados, e intentos de atentados, ao suposto grupo Resistência Galega[17]. Debido ao achado de material para fabricar explosivos acompañado de panfletos que facían referencia á Resistência Galega, no norte de Portugal, tamén se ten especulado sobre a existencia dun comando estable no país veciño[18]. Ten sido unha constante o aumento dos actos da autodenominada "resistencia violenta" nas vésperas do Día da Patria, o que significou un aumento da represión policial sobre o ámbito independentista[19][20], e a denuncia desta represión por diferentes colectivos[21][22][23][24].

É xa en decembro de 2007, cando a propia Unión Federal de Guardias Civiles recoñece que "Resistencia galega, como tal non existe". [25] Segundo recolle El País tras ese comunicado, estas mesmas fontes afirman que "Resistência Galega non é unha organización, senón un manifesto ao que se acollen mozos independentistas para reivindicar as súas accións"[26]. Por outro lado, organizacións independentistas, como AMI, Briga ou Nós-UP, afirman non ter ningún coñecemento de grupo algún que actúe organizado baixo o nome Resistencia Galega.[27]

Trala explosión dunha bomba nunha caseta comercial dunha urbanización en Perbes (Miño), o Delegado do goberno español en Galiza, Manuel Ameijeiras, opinou que o atentado era moi semellante a outros anteriores de Resistencia Galega[28], aínda que recoñeceu que o acto non fora reivindicado por grupo ningún[29].

Atribuíuselle a colocación dunha bomba na sede do PP de Ordes o 13 de xuño de 2010 e a colocación dun artefacto en setembro de 2011 contra a casa de Manuel Fraga en Vilalba[30]. O 30 de novembro de 2011 foron detidas en Vigo e Padrón catro persoas supostamente relacionadas coa súa órbita cando presuntamente preparaban un atentado contra os príncipes de Asturias na cidade da Coruña e outro con motivo dos actos polo día da Constitución española.[31][32][33][34][35][36][37][38][39][40] Aos catro detidos incautáronselle artefactos explosivos de fabricación caseira, un deles con metralla.[41] O venres 2 de decembro foron detidos outros dous presuntos membros de Resistência Galega en Lugo.[42]

O 7 de maio de 2012 localizouse un artefacto explosivo na porta da sede do Partido Popular en Meis que foi desactivado. Só un mes despois, o 8 de xuño, explotou unha bomba no local dese mesmo partido político en Ribadumia causando importantes estragos na fachada do edificio. A policía apuntou en ambas accións a membros de Resistência Galega. O 6 de agosto dese mesmo ano foron desactivados outros dous artefactos explosivos colocados nun repetidor de telecomunicacións en Vigo, sendo ambos reivindicados por Resistência Galega.[43] O 16 de setembro de 2012 foron detidos catro presuntos membros de Resistência Galega no parque de Castrelos (Vigo) acusados dos feitos acontecidos o 6 de agosto dese mesmo ano.[44]

O xuíz Eloy Velasco da Audiencia Nacional imputou un delito de enaltecemento do terrorismo a catro manifestantes que o día 2 de xullo de 2013 participaron en Santiago de Compostela nunha concentración de apoio a presuntos membros de Resistencia Galega que estaban a ser xulgados[45][46]. En novembro de 2013 a policía anunciou que Resistência Galega estaba a mercar ilegalmente unha ducia de pistolas en Portugal[47].

Primeira condena por terrorismo[editar | editar a fonte]

O 12 de setembro de 2013 a Audiencia Nacional condenou a catro membros de Resistência Galega, María Osorio, Roberto Rodríguez Fialhega, Antom Santos Peres e Eduardo Vigo Domingues, a penas de entre 10 e 18 anos de cárcere por participación en organización terrorista, tenencia de explosivos e falsificación de documentos con fins terroristas.[48][49]

Segundo a sentenza o 30 de novembro de 2011 en Vigo un dos condenados entregou a outro tres termos metálicos que contiñan 4,8 quilos de explosivos. A Policía Nacional detivo ao condutor do coche que levaba estes explosivos na peaxe da AP-9 en Teo. No rexistro da casa dun dos detidos atoparon 3,2 quilos de explosivos, permisos de conducir e DNI falsificados.[50]

En decembro de 2014 a Audiencia Nacional condenou a 11 anos de cárcere a Héctor José Naya e a tres anos de cárcere a Xurxo Rodríguez e Diego Santín pola colocación en agosto de 2012 de tres artefactos explosivos nas instalacións de radio e televisión no monte Sampaio de Vigo que causaron 11.197 euros en danos.[51] Dos tres condenados, unicamente Xurxo Rodríguez Oliveira, admitiu a súa pertenza a unha organización terrorista.[52]

Notas[editar | editar a fonte]

  1. ↑ "Manifesto pola resistência galega Arquivado 23/12/2007, en Wayback Machine." (2005).
  2. ↑ "Interior afirma que Resistencia Galega es una organización terrorista y espera que así lo vea la Audiencia Nacional". www.europapress.es (en castelán). EuropaPress. 25 de xuño de 2013. Arquivado dende o orixinal o 17 de xuño de 2019. Consultado o 17 de xuño de 2019. 
  3. ↑ "Satisfacción en el Gobierno por la sentencia sobre Resistencia Galega". La Opinión de A Coruña (en castelán). EFE. 25 de abril de 2014. Arquivado dende o orixinal o 17 de xuño de 2019. Consultado o 17 de xuño de 2019. 
  4. ↑ Os reports dos anos 2013, 2014 fan referencia a Resistência Galega dentro da Sección "Etnonacionalistmo e terrorismo separatista" "TE-SAT 2013: EU Terrorism Situation and Trend Report". Europol (en inglés). Consultado o 2019-06-17.  O do 2018 califícao como terrorismo separatista."EUROPEAN UNION TERRORISM SITUATION AND TREND REPORT 2018 (TESAT 2018)". Europol (en inglés). Consultado o 2019-06-17. 
  5. ↑ "Una sentencia declara grupo terrorista a Resistencia Galega", La Voz de Galicia, 13 de setembro de 2013.
  6. ↑ Sentenzas STTS de 9 de abril de 2014 nº293/14 e en STTS nº 754/14 de 4 de noviembre de 2014.
  7. ↑ "El Supremo confirma que Resistencia Galega es una organización terrorista", El Mundo, 24 de abril de 2014.
  8. ↑ "Beiras aseguran que Resistencia Galega es «una invención del poder»". ABC. 1 de novembro de 2014. 
  9. ↑ "Asociaciones consideran "barbaridad represiva" la condena a independentistas". ABC. 13 de setembro de 2013. 
  10. ↑ "El ‘terrorismo mágico’ de Resistencia Galega". Cuartopoder. 2 de outubro de 2014. 
  11. ↑ "Resistencia Galega está tras los incidentes más graves del 22-M". El Mundo. 25 de marzo de 2014. 
  12. ↑ "Interior dice que no tiene prueba alguna que vincule a Resistencia Galega con los incidentes". La Voz de Galicia. 27 de marzo de 2014. 
  13. ↑ Resistência Galega (20 de xullo de 2005). "Manifesto da Resistência Galega". Arquivado dende o orixinal o 23/12/2007. Consultado o 29 de decembro de 2007. 
  14. ↑ I. Bascoy (19 de maio de 2007). "Resistencia Galega actúa de nuevo en campaña y sabotea las obras del AVE cerca de Santiago". Faro de Vigo. Arquivado dende o orixinal o 17 de xuño de 2019. Consultado o 30 de decembro de 2007. 
  15. ↑ "Atribuyen a Resistencia Galega una bomba cerca de Reganosa". El Progreso (xornal). 04 de outubro de 2007. Arquivado dende o orixinal o 04/01/2008. Consultado o 30 de decembro de 2007. 
  16. ↑ "Resistencia Galega está dirigida por 'Toninho' y otros dos huidos de la Justicia desde Portugal". Europa Press. 15 de novembro de 2007. Consultado o 30 de decembro de 2007. 
  17. ↑ Vieiros - Redacción. "Desactivan unha bomba nunha obra en Cangas". Consultado o 30 de decembro de 2007. 
  18. ↑ "El grupo 'activo' de Resistencia Galega está compuesto por media docena de jóvenes con infraestructura en Portugal". Europa Press. 20 de maio de 2007. Consultado o 30 de decembro de 2007. 
  19. ↑ "Interior intenta abortar la reaparición del terrorismo de cariz nacionalista en Galicia". El País. Europa Press. 20 de maio de 2007. Consultado o 30 de decembro de 2007. 
  20. ↑ González, Pablo (14 de novembro de 2005). "Diez independentistas, detenidos en una operación de la Audiencia Nacional". La Voz de Galicia. Arquivado dende o orixinal o 13 de decembro de 2014. Consultado o 30 e decembro de 2007. 
  21. ↑ "Máis de 200 persoas piden a liberdade dos tres independentistas detidos "por defenderen a terra"". 16 de decembro de 2007. Consultado o 30de decembro de 2007. 
  22. ↑ Movemento polos Dereitos Civís (21 de novembro de 2005). "O MpDC pide aclaracións sobre a "Operación Castiñeira"". Consultado o 30 de decembro de 2007. 
  23. ↑ "Una operación policial con polémica". Faro de Vigo. 16 de novembro de 2006. Arquivado dende o orixinal o 15 de setembro de 2019. Consultado o 30 de decembro de 2007. 
  24. ↑ Villar, Rafa (18 de novembro de 2005). "Un desatino chamado “Operación Castiñeira”". Arquivado dende o orixinal o 05 de decembro de 2008. Consultado o 30 de decembro de 2007. 
  25. ↑ "La UFCG dice que los independentistas detenidos de forma 'fortuita' son 'meros obreros'". La Región. 15/12/2007. Arquivado dende o orixinal o 17/12/2007. Consultado o 29 de decembro de 2007. 
  26. ↑ P. LÓPEZ (15 de decembro de 2007). "La Guardia Civil detiene a tres independentistas con una bomba". El País. Consultado o 29 de decembro de 2007. 
  27. ↑ Europa Press (29 dde decembro de 2007). "Colectivos independentistas se desvinculan de Resistencia Galega y consideran que es un grupo 'testimonial'" (en castelán). Arquivado dende o orixinal o 25 de xaneiro de 2008. Consultado o 29 de decembro de 2007. 
  28. ↑ O delegado do goberno español sospeita que Resistencia Galega está detrás da bomba de Miño
  29. ↑ Redacción (8/2/2008). "O Delegado do Goberno vincula o estoupido co grupo independentista, malia que non houbo reivindicación.". A Nosa Terra (1977). Arquivado dende o orixinal o 03/03/2016. Consultado o 13 de febreiro de 2008. 
  30. ↑ Rodríguez, Jorge A. (30 de decembro de 2011). "Dos detenidos en Vigo por el atentado contra la casa natal de Fraga". El País. Consultado o 30/ de novembro de 2011. 
  31. ↑ Ministerio del Interior (1 de decembro de 2011). "La Policía Nacional detiene a cuatro miembros del grupo terrorista independentista Resistencia Gallega" (en castelán). Arquivado dende o orixinal o 03 de decembro de 2011. Consultado o 1 de decembro de 2011. 
  32. ↑ A Audiencia Nacional imputa un delito de integración en organización terrorista aos catro detidos en La Voz de Galicia
  33. ↑ A Policía frustra na Coruña un atentado horas antes da chegada dos príncipes en La Voz de Galicia
  34. ↑ Pose admite que os detidos preparaban un atentado inminente en La Opinión de A Coruña
  35. ↑ Golpe ao terrorismo independentista galego en La Opinión de A Coruña
  36. ↑ Los cuatro independentistas detenidos tenían nueve kilos de explosivos en El País
  37. ↑ Decenas de personas se movilizan en Vigo en solidaridad con los arrestados en El Mundo
  38. ↑ El juez Velasco acusa de pertenencia a organización terrorista a los cuatro detenidos en El Mundo
  39. ↑ Cuatro detenidos en Vigo, Santiago y Padrón en una operación antiterrorista en El Mundo
  40. ↑ Resistencia Galega quería atentar el 6 de Diciembre en La Opinión de A Coruña
  41. ↑ A bomba atopada aos terroristas tiña capacidade para causar unha masacre en La Voz de Galicia
  42. ↑ Detidos en Lugo outros dous presuntos membros de Resistencia Galega, La Voz de Galicia, 3 de decembro de 2011.
  43. ↑ Desactivados dos artefactos explosivos en Vigo, que reivindica Resistencia Galega, El País, 7 de agosto de 2012.
  44. ↑ Detenidos en Vigo cuatro presuntos terroristas de Resistencia Galega, El País, 16 de setembro de 2012.
  45. ↑ europapress.es (ed.). "Cuatro manifestantes, imputados por enaltecimiento del terrorismo". Consultado o 20 de agosto de 2013. 
  46. ↑ "En libertad con cargos 4 imputados por apoyar a presos de Resistencia Galega". El Ideal Gallego. EFE. Consultado o 4 de setembro de 2013. 
  47. ↑ http://politica.elpais.com/politica/2013/11/03/actualidad/1383509303_264957.html Resistencia Galega compra pistolas. El País
  48. ↑ "María Osório, condenada por pertenencia a Resistencia Galega, saldrá de la cárcel este jueves tras casi 6 años presa". El Correo Gallego. 5 de setembro de 2018. Consultado o 26 de novembro de 2023. 
  49. ↑ "A independentista galega María Osório, en liberdade após seis anos no cárcere". Galicia Confidencial. 7 de setembro de 2018. Consultado o 26 de novembro de 2023. 
  50. ↑ Pérez, Fernando J. "Condenados por terrorismo cuatro miembros de Resistencia Galega". El País. Consultado o 12 de setembro de 2013. 
  51. ↑ Condenado a 11 años de cárcel un miembro de Resistencia Galega y a tres años otros dos. 20 minutos
  52. ↑ "Los integrantes de Resistencia Galega "son unos tarados", según un ex miembro de la banda". EuropaPress. 2016-04-21. Consultado o 2019-06-24. 

Véxase tamén[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Resistência_Galega&oldid=6706186»