Resident Evil

Na Galipedia, a Wikipedia en galego.
書.svg Esta páxina contén texto en xaponés.
Se o seu navegador non está axeitadamente configurado pode ver caracteres estraños.

Resident Evil (coñecido en Xapón como Biohazard (バイオハザード Baiohazādo?) é unha serie de videoxogos de supervivencia de terror e unha serie de cómics, novelas, catro filmes e unha manchea de coleccionables como figuras de acción, guías de estratexia e publicacións[1]. Desenvolvida pola compañía Capcom e creada por Shinji Mikami, a serie vendeu máis de 35 millóns de xogos ata marzo de 2009[2].

Nome[editar | editar a fonte]

Malia que é unha das sagas do xénero denominado supervivencia de terror (survival horror), non é o primeiro, habendo títulos previos como Alone In The Dark e Clock Tower. O nome orixinal xaponés é Biohazard; non obstante, nos Estados Unidos decídese cambialo a Resident Evil polo pouco impacto que podería causar unha palabra tan común, e polo feito de que xa existía unha banda co mesmo nome.

Videoxogos[editar | editar a fonte]

Videoxogos cancelados[editar | editar a fonte]

Estes son xogos de Resident Evil que foron cancelados.

  • Resident Evil 0 (Nintendo 64) - Tralo éxito do Resident Evil e do Resident Evil 2, Capcom decidiu crear un xogo cronoloxicamente anterior ao Resident Evil orixinal. En primeira instancia ía ser lanzado para a Nintendo 64. Incluso saíron á luz varios vídeos do proxecto. Sen embargo, a executiva de Capcom decidiu trasladar o proxecto á Nintendo GameCube. Esta decisión implicou desbotar o traballo técnico anterior, pero decidiuse conservar o fío argumental. O motor gráfico foi substituído por un novo, adaptado a GameCube. Este motor é o mesmo empregado no remake do primeiro Resident Evil.
  • Resident Evil (GameBoy Cor) - Tralo éxito mundial do primeiro RE, Capcom tivo a idea de trasladar este magnífico xogo á portátil de Nintendo. Empezouse a realizar, de feito, moitas revistas e webs de gran prestixio mostraron diversas imaxes. Os rumores apuntan a que cando o xogo se atopaba nun 25% de desenvolvemento, os programadores caeron na conta, que a pequena de Nintendo non dispoñía de suficiente memoria como para abarcar a integridade do xogo, mentres outros sinalan que, como simplemente este xogo non ía conseguir a calidade suficiente, preferiron non manchar o nome da compañía e decidiron facer (en lugar do RE1 para a Game Boy) o Resident Evil Gaiden para Game Boy Color.
  • Resident Evil 1.5 - Esta debeu ser a continuación de Resident Evil, era outra a historia estando a máis do 65% do desenvolvemento deciden cancelar o proxecto e iniciar de novo co que seria a continuación definitiva «Resident Evil 2» (a que todos coñecen). Os seus personaxes protagónicos ían ser Leon S. Kennedy e Elza Walker remplazando a Claire Redfield.
  • Resident Evil 3.5 - Neste xogo o protagonista ía ser Leon Kennedy pero cambiaron o xogo por Resident evil 4. Do mesmo xeito que a versión Resident Evil 1.5, Resident Evil 3.5 foi cancelado, o pouco que se soubo foi que nesta entrega do xogo aparecían pantasmas no canto de zombies, a razón disto, dise, é que se trataban de alucinacións inducidas en Leon produto do virus "proxenitor" expandíndose lentamente polo seu corpo(o virus do cal faise referencia en Resident Evil Zero).

Era unha mestura dos outros dous Survival Horror Alone in the Dark e Silent Hill, talvez sería por iso que o cancelaron e decidiron empezar de novo.

  • Resident Evil 4 (primeiras versións) - Antes do desenvolvemento da historia que se atopa no mercado, o proxecto orixinal de Gamecube xerou outras tres historias. A primeira derivou nun novo videoxogo, Devil May Cry, e outras dúas coñecidas como Fog Version e Hooked Man. Unha destas mostraba a Leon Kennedy chegando ás entrañas da Corporación Umbrella. Faríase maior fincapé no terror psicolóxico, tipo Silent Hill. Sorprendían os efectos de luz (como os de RE Remake). Debido á presión do consello de accionistas de Capcom, moi influído polas participacións de Sony, este proxecto foi cancelado e optouse por enmascarar o desenvolvemento dunha versión para Gamecube e PlayStation 2 ata que, pouco antes do lanzamento da versión de Nintendo, lanzouse a noticia dunha exclusividade temporal en GameCube.

Novelas[editar | editar a fonte]

Da escritora S.D. Perry (Stephani Danelle Perry) baseadas no videoxogo.

  • Resident Evil 0: Hora Cero (do inglés, Zero hour). Na periferia da cidade americana de Raccoon City aparecen unha serie de cadáveres cheos de dentadas. O número de corpos vai aumentando durante o verán de 1998. Ante a alarma social xerada, decídese enviar a un equipo especial da policía, o equipo Bravo dos S.T.A.R.S. Cando se están achegando ó destino, o helicóptero sofre unha avaría e ten que aterrar. Unha vez no chan, descobren un automóbil accidentado da policía militar americana. Nel, atópanse os cadáveres de dous soldados, e os papeis de Billy Coen, un preso militar condenado á morte. Os problemas comezan cando unha serie de extranas criaturas atacan ao grupo, eliminando varios membros. Un membro dos STARS, Rebecca Chambers atopa a Billy e xuntos deciden colaborar para escapar daquel bosque.

«O ansia de poder é a verdadeira raíz do mal»

  • Resident Evil 1: A Conspiración Umbrella (The Umbrella Conspiracy). Sinopse: Raccoon City, unha remota comunidade nas montañas que de súpeto vese acosada por unha serie de horrendos asasinatos nos bosques que a rodean. Corren estraños rumores que describen os ataques de feroces criaturas, algunhas con aparencia humana... e outras non. Ao parecer, as vítimas son devoradas polas súas atacantes. No epicentro desas mortes atópase unha sinistra e illada mansión que pertence á misteriosa compañía Umbrella. Durante anos, Umbrella traballou en segredo en investigacións relacionadas coa xenética... Investigacións que, agora, parecen tomar un camiño inesperado e terrible.

«Os sucesos malvados proceden de causas malvadas»

  • Resident Evil 2: A Ensenada Calibán (Caliban Cove). Sinopse: Trala súa loita sen cuartel para saír das instalacións de investigacións xenéticas da corporación Umbrella, os supervivientes da unidade S.T.A.R.S. intentan advertir ao mundo acerca da conspiración para crear terroríficas armas biolóxicas. Pero a conspiración non acaba aí, como os propios S.T.A.R.S. descobren cando son expulsados da organización polos mesmos que os adestraron. Os S.T.A.R.S. de Raccoon vense obrigados a actuar de forma clandestina, decididos a descubrir e deter os experimentos de Umbrella alí onde se produzan. A bioquímica e médico militar Rebecca Chambers, única supervivente do equipo Bravo de Raccoon City, únese a unha nova forza de ataque dos S.T.A.R.S. cando lles chega o rumor da existencia doutro centro experimental de Umbrella. Atópase oculto baixo os acantilados rochosos da Ensenada Calibán, un pobo de Maine, onde alguén está reunindo un exército de zombis.

«A través da avaricia, o mal sorrí. A través da tolemia, canta»

  • Resident Evil 3: A Cidade dos Mortos (City of the Dead). Sinopse: cae a noite... Leon Scott Kennedy; un policía novato e cheo de enerxía, disposto a demostrar a súa valía e con ganas de comezar unha nova vida en Raccoon City... e que atopa a cidade extrañamente deserta. O pantasmal silencio do anoitecer só se ve roto polo ruído esporádico duns pasos nas sombras e polo espectral gemido de algo que axexa nas proximidades... Claire Redfield; a independente, bela e audaz irmá de Chris Redfield, un dos membros dos S.T.A.R.S., desaparecido en Raccoon.

«A maldade sen oposición crece, a maldade tolerada envenena todo o sistema»

  • Resident Evil 4: Inframundo (Underworld). Sinopse: Umbrella está creando armas biolóxicas. Malia o seu inmenso poder, está empezando a perder o control das súas instalacións segredas. Os renegados dos S.T.A.R.S máis Leon S. Kennedy, Claire Redfield, John Andrews, David Trapp e Rebecca Chambers, planean ir a Europa para reencontrase co ex equipo Alfa que se atopa investigando as instalacións centrais de White Umbrella, pero nun xiro desesperado aparece un misterioso personaxe Trent, un alto executivo de White Umbrella, que lles proporciona ao equipo de ex-policías información sobre unha nova instalación no deserto de Arizona chamado "O Planeta", onde deberán extraer información esencial do funcionamento das instalacións da corporación farmacéutica, sen saber que lles espera un gran desafío, para poder saír deberán superar os horrores da enxeñería xenética que lles esperan baixo terra.

«Hai miles Cortando as Ramas da árbore do Mal por cada un que está asestando golpes á raíz»

  • Resident Evil 5: Némesis (Némesis). Sinopse: logo de sobrevivir ao incidente da mansión Spencer, Jill Valentine vese forzada a intentar sobrevivir de novo. Pero non terá que loitar soamente contra as horrorosas creacións de Umbrella, que de seu xa son difíciles de exterminar, tamén terá que enfrontarse ao novo xoguete da compañía: Némesis, unha inmensa masa de músculos cun grave problema dental deseoso de exterminar aos S.T.A.R.S. restantes. Para poder logralo contará coa axuda de Carlos Oliveira, membro da organización O.B.C.S., que intentará protexela á vez que xuntos intentan abandonar a cidade que destruíu as súas vidas, Raccoon City. Pero el non é o único integrante desta organización, xa que Nicholai Ginovaef anda recolectando información de batalla sobre o novo cazador de Umbrella, Némesis, e Jill é agora a presa...

«Non cedas ti ante estes males e segue avanzando cheo de valor.»

  • Resident Evil 6: Código Verónica (Code Veronica) Sinopse: na procura desesperada por atopar á súa irmá desaparecida leva a Chris Redfield a enfrontarse de novo ás devoradoras armas biolóxicas da corporación Umbrella a súa procura lévaa a unha illa remota onde un científico tolo libera a todas as grotescas criaturas que ten á súa disposición co fin de impedir que ela interfiera nas súas horribles maquinacións.

«Sen dúbida as fillas do mal perderon a cordura.»

O reporte de Wesker

Esta divídese en dous. A primeira parte trata dos plans que tiña e fixo no Resident Evil 1 ,2 e 3 e a segunda trata de todo o que sucedeu cando o entrou a Umbrella Corporation.

  • Resident Evil 7: Umbrella Chronicles Side A e B Baseado no videojuego do mesmo nome, é a novelización que detalla en gran profundidade os eventos que desencadearon a caída da Corporación Umbrella. Aínda que polo momento a súa aparición é exclusiva para o territorio nipón, espérase que chegue a América e Europa en 2008.
  • Resident Evil 8: Os Iluminados está baseado en Resident Evil 4. Aquí, Leon Scott Kennedy, logo de seis anos despois da destrución de Raccoon City e un ano logo da caída de Umbrella, é enviado a rescatar a Ashley Graham, a filla do presidente dos Estados Unidos, secuestrada por unha secta española chamada "Os Iluminados". Aquí, o pesadelo repetirase, estrañas mutacións de persoas e animais volverán seguir a Leon, agora nun pobo rural de España pero non será o virus-T nin a maligna corporación os que sementasen o terror en Europa, se non un parasito peor, controlado por un estraño e carismático home: Lord Saddler.

Películas[editar | editar a fonte]

Acción en vivo:

Animación:

Notas[editar | editar a fonte]

  1. "Enter The Survival Horror... A Resident Evil Retrospective". Game Informer: 132-133. outubro de 2007.
  2. "Press Release". CAPCOM. http://ir.capcom.co.jp/english/news/html/e080304.html. Consultado o 4 de marzo de 2008.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]