Reserva da biosfera Río Eo, Ozcos e Terras de Burón

Na Galipedia, a Wikipedia en galego.

Coordenadas: 43°25′30″N 7°09′04″O / 43.425, -7.151

Río Eo, Ozcos e Terras de Burón
A zona zepa da ría de Ribadeo, encadrada na reserva, preto da Veiga, Asturias.
Marco Legal
Figura de Protección: Reserva da biosfera
Ano de constitución: 19 de xuño de 2007
Superficie: 159.379 ha (496 ha. mariñas)
Lexislación: Real Decreto 342/2007 do 9 de marzo [1]
Datos de interese
País: Galicia Galicia Asturias Asturias
Provincias: Principado de Asturias, Provincia de Lugo
Concellos: Baleira, A Fonsagrada, Negueira de Muñiz, A Pontenova, Ribadeo, Ribeira de Piquín e Trabada (Lugo) e Castropol, A Veiga, Taramundi, Santiso de Abres, Vilanova de Ozcos, Santalla de Ozcos, San Martín de Ozcos (Asturias)
Ríos: río Eo
Picos A Bobia (1202 m)
Direccións de interese: Mancomunidade Ozcos-Eo, Praza do Concello, s/n 33770 A Veiga (Asturias)[2]
Teléfonos:

A Reserva da Biosfera Río Eo, Ozcos e Terras de Burón,[3] oficialmente Reserva da Biosfera Río Eo, Oscos e Terras de Burón,[4] é unha reserva da biosfera dentro do programa MAB da UNESCO e que abrangue os concellos de Ribadeo, Trabada, A Pontenova, Ribeira de Piquín, Baleira, A Fonsagrada e Negueira de Muñiz en Galicia, e de Castropol, A Veiga, Taramundi, Santiso de Abres, Vilanova de Ozcos, Santalla de Ozcos e San Martín de Ozcos en Asturias. Ten unha extensión de 15.958,89 km²[5] e inclúe a máis da totalidade da cunca do río Eo dende o seu nacemento en Fonteo ata a súa desembocadura na ría de Ribadeo, a propia ría e boa parte das cuncas que nela desembocan, así como anacos das cuncas dos ríos Miño, Navia e Porcía, encadrando unha unidade de biodiversidade, cultural e patrimonial. Cando foi designada, a zona tiña unha poboación de 32 974 habitantes, se ben case tódolos municipios observan decrecemento de poboación.

Descrición[editar | editar a fonte]

Vista do final da ría de Ribadeo (xa ría de Abres), na parte norte da reserva.

Inclúe a Reserva Natural Parcial da Ría de Ribadeo, as zonas especiais de conservación (ZEC) de Penarronda-Barayo (parcialmente), ría de Ribadeo, Río Eo e Cunca do Augüeira, Zona de especial protección para as aves Penarronda-Barayo e Ría de Ribadeo, incluíndo a zona húmida Ramsar Ría de Ribadeo e o monumento natural da praia de Penarronda[6].

Foi declarada o 19 de setembro de 2007 pola Organización das Nacións Unidas para a Educación, a Ciencia e a Cultura (UNESCO) dentro do programa MaB (Home e Biosfera).

O 11 de decembro de 2013 asinouse o Protocolo de Colaboración para a Coordinación da Xestión[7].

Notas[editar | editar a fonte]

  1. "Real Decreto 342/2007, de 9 de marzo, por el que se regula el desarrollo de las funciones del programa MaB, así como el Comité Español del citado programa, en el organismo autónomo Parques Nacionales.". BOE (72): 12858 a 12860 (3 páxs.). 24 de marzo de 2007. 
  2. "Reserva da Biosfera Oscos-Eo, Asturias Paraiso Natural". 
  3. Ozcos é o topónimo en galego segundo se indica no Portal da Lingua Galega e outras fontes. Ver Áreas galegofalantes fóra de Galicia ou Benigno Fernández Salgado (edición) (2004). Editorial Galaxia, ed. Dicionario Galaxia de usos e dificultades da lingua galega. ISBN 9788482887524. 
  4. ANUNCIO do 28 de abril de 2017, da Dirección Xeral de Patrimonio Natural, polo que se fai público o Plan de xestión da Reserva da Biosfera Río Eo, Oscos e Terras de Burón.
  5. United Nations Educational, Scientific and Cultural Organization. "Río Eo, Oscos y Terras de Buron". www.unesco.org. Consultado o 19/1/2016. 
  6. "Reserva de la Biosfera de la Ría del Eo, Oscos y Tierras de Burón" (PDF). Arquivado dende o orixinal (PDF) o 21 de outubro de 2020. Consultado o 19 de maio de 2021. 
  7. "Anuncio do DOG nº 8 do 2016/1/14 - Xunta de Galicia". www.xunta.es. Consultado o 19/1/2016. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]