Rennell

Na Galipedia, a Wikipedia en galego.
Rennell
Mugaba
Rennell Islands map en.png
Localización da illa
LakeTeganoRennell.jpg
Lago Tegano
Situación
País Illas Salomón
Provincia Rennell e Bellona
Mar Océano Pacífico
Coordenadas 11°40′S 160°10′E / 11.667°S 160.167°E / -11.667; 160.167
Xeografía
Superficie 660 km²
Longura máxima 86 km.
Largura máxima 15
Punto máis alto 150 m.
Demografía
Capital Tigoa
Poboación 1.500 hab (2.000)
Densidade 2´2 hab./km² hab./km²

A illa Rennell, localmente coñecida como Mugaba, é a illa principal das dúas illas habitadas que conforman a provincia Rennell e Bellona das Illas Salomón. Illa Rennell ten unha superficie de 660 km². É o segundo atol de coral máis alto no mundo[1] e posúe o lago máis grande de todas as illas do Pacífico, o lago Tegano,[2] que está recoñecido como Patrimonio da Humanidade.A illa Rennell ten unha poboación de preto de 3.000 habitantes descendentes de polinesios que principalmente falan Renbelian, Pijin e Inglés. As illas Rennell e Bellona son dúas das poucas illas das polinesias Illas Salomón clasificadas como melanesias (as outras son Sikaiana, Ontong Java, Tikopia, Anuta, Illas Duff e as Reef Islands).

A illa atópase a 236 km. ao sur de Honiara e a 1900 km. ao nordeste de Brisbane. A capital da provincia, Tigoa, está no extremo occidental da illa.

Historia[editar | editar a fonte]

Entre o 2000 e 1600 antes de Cristo, fixeron a súa aparición os primeiros poboadores que pertencían á cultura Lapita. Unha segunda ocupación produciuse tanto en Rennell e Bellona ao redor de 130 a.C., con outra ocupación ao redor do 1.000 d.C. [3]

O último asentamento de Renbel ocorreu antes do 1400 dC por polinesios de Uvea (agora Illa Wallis).O Capitán Butler, do HMS Walpole descubriu as illas en 1801, logo de descubrir e bautizar a illa Walpole de Nova Caledonia. En 1933, o Expedición Templeton Crocker descubriu varias especies endémicas das illas. Durante a campaña do Pacífico na Segunda Guerra Mundial hidroavións Rufe xaponeses operaron desde o lago Tegano e a partir de 1943 o lago foi utilizado como base polos Catalinas americanos. A batalla da illa Rennell foi a última batalla naval da Campaña de Guadacanal que ocorreu entre o 29 de xaneiro de 1943 e o 30 de xaneiro de 1943. Ao final da guerra, oito Catalinas afundíranse no lago e pódense ver desde a superficie do lago. A illa foi posteriormente visitado por unha serie de expedicións de científicos daneses.

Xeografía[editar | editar a fonte]

As illas son de orixe volcánico con baseamento formando entre finais do Cretáceo e principios do Eoceno. Movementos tectónicos elevaron o leito mariño para permitir a construción de coral. A illa é o segundo maior atol de coral elevado do mundo. Está en gran parte sen modificar e inclúe o lago máis grande do Pacífico Sur.

A illa está a aproximadamente unha hora de voo ao sur de Honiara. Está case totalmente rodeada por cantís de 120-150m, co extremo oriental dominado por un gran lago, mentres que o extremo occidental é relativamente plano, con outeiros boscosos. Unha estrada, coñecida como a Ruta de Copperhead, atravesa a illa desde a pista de aterraxe de Tigoa no oeste ata a zona portuaria de Labagu no sur, cun ramal cara ao leste ata o lago.

Lago Tegano[editar | editar a fonte]

Un motor PBY que fora arrastrado preto da costa. Imaxe tomada de 1995
Casa típica no bordo do lago no lago Tegano. Tomado de 2008

Os mamas oficiais das Illas Salomón nomear este lago como Te Nggano, mentres que os locais refírense ao lago como Tegano, Tungano ou Big Water. O lago ten 29 km. de lonxitude e 10 km. de largo, cunha superficie de 155 km², que ocupa o 17´6% da superficie total da illa Rennell. O lago está situado na conca central de Rennell, que era a antiga lagoa.

O fondo duro está cuberto por varios metros de lodo en suspensión. O lago ten unha concentración de sal elevada está mantido por un sistema de condutos subterráneos que o conectan co mar.

A profundidade da auga é de 44 metros e consiste nunha mestura de auga doce e salgada. A distancia media desde a beira do lago ao océano está a 2 km, o lago está catalogado como Patrimonio da Humanidade.

No punto máis oriental do lago está Tigoa a antiga base aérea da Segunda Guerra Mundial. Os habitantes afirman que hai 9 avións no fondo do lago, cinco visibles en barca.[4]

Clima[editar | editar a fonte]

A temperatura media é de 23-28 graos Celsius con preto de 4.000 mm de choiva ao ano e unha alta humidade durante ambas tempadas. Os ventos alisios do sueste prevalecen desde abril ata finais de novembro. A illa atópase dentro da banda das traxectorias de ciclóns e está suxeito aos ciclóns a intervalos relativamente frecuentes.

Notas[editar | editar a fonte]

  1. Joshua Calder (2006). "Largest Coral Atoll in the world". World Island Information. http://www.worldislandinfo.com/MISINFORMATION.htm. Consultado o 2008-10-10.
  2. UNEP World Conservation. "Largest lake in the Pacific". Protected Areas Programme. United Nations. Arquivado do orixinal o 2008-07-18. http://web.archive.org/web/20080718175342/http://www.unep-wcmc.org/sites/wh/eastrenn.html. Consultado o 2008-10-10.
  3. Wingham, E.J (1997). Nomination of East Rennell, Solomon Islands for inclusion in the World Heritage List - Natural sites. NZ: New Zealand Official Development Assistance Programme, Ministry of Foreign Affairs and Trade. p. 47. UN Protected areas Programme
  4. Joseph Puia Niupuni Village, discussion July 2008

Véxase tamén[editar | editar a fonte]

Commons
Commons ten máis contidos multimedia na categoría: Rennell