René Magritte
René Magritte | |
---|---|
Retrato de René Magritte por Lothar Wolleh | |
Nacemento | 21 de novembro de 1898 |
Lessines | |
Falecemento | 15 de agosto de 1967 |
Schaerbeek | |
Nacionalidade | belga |
Cónxuxe(s) | Georgette Berger |
Eido | Pintura |
Movemento | Surrealista |
Na rede | |
[ editar datos en Wikidata ] |
René François Ghislain Magritte, nado en Lessines o 21 de novembro de 1898 e finado en Bruxelas o 15 de agosto de 1967, foi un dos principais artistas surrealistas belgas, xunto con Paul Delvaux.
Traxectoria[editar | editar a fonte]
En 1916, ingresou na Académie Royale des Beaux-Arts, en Bruxelas, onde estudou durante dous anos. Foi durante ese período cando coñeceu a Georgette Berger, con quen casou en 1922.
René traballou nunha fábrica de papel de Parede, e foi deseñador de carteis e de publicidade ata 1926, cando un contrato coa Galerie la Centaure, na capital belga, fixo da pintura a súa principal actividade. Nese mesmo ano, Magritte produciu a súa primeira pintura surrealista, Le jockey perdu, tendo a súa primeira exposición ó ano seguinte.
En 1927 mudou a París, onde comezou a desenvolverse nas actividades do grupo surrealista, volvéndose grande amigo dos poetas André Breton e Paul Éluard e do pintor Marcel Duchamp.
Cando a Galerie la Centaure pechou o seu contrato rematou, retornando Magritte a Bruxelas. Alí permaneceu durante a ocupación alemá durante a segunda guerra mundial.
O seu traballo foi exposto en 1936 na cidade de Nova York, Estados Unidos, en dúas exposicións retrospectivas, unha no Museo de Arte Moderna, en 1965, e outra no Metropolitan Museum of Art, en 1992.
Magritte morreu de cancro e foi soterrado no Cemiterio Schaarbeek, na cidade de Bruxelas.
Obra[editar | editar a fonte]
Magritte foi un pintor de imaxes insólitas, as cales deu tratamento rigorosamente realista, empregou procesos ilusionistas, sempre á procura do contraste entre o tratamento realista dos obxectos e a atmosfera irreal dos conxuntos.
As súas obras son metáforas que se presentan como representacións realistas, a través da xustaposición de obxectos comúns e símbolos recorrentes na súa obra, tales como o torso feminino, o chapeu coco, o castelo, a rocha e a xanela, entre outros, dun xeito imposíbel de ser atopado na vida real.
Obras principais[editar | editar a fonte]
- Le fils de l'homme [1]
- The use of the Words I[2]
- La trahison des images
- Ceci n´est pas une pomme
Notas[editar | editar a fonte]
- ↑ "Le Fils de l'Homme par René Magritte". www.thehistoryofart.org (en francés).
- ↑ "The use of the Words I.". Europeana Collections (en castelán). Consultado o 21 de maio de 2019.
Véxase tamén[editar | editar a fonte]
Ligazóns externas[editar | editar a fonte]
Commons ten máis contidos multimedia sobre: René Magritte |
- Páxina Oficial da Fundación Magritte (en inglés) (en francés)
- René Magritte (en francés)
- Obras de René Magritte en Europeana (en castelán)