Refundación Comunista Sanmarinesa

Na Galipedia, a Wikipedia en galego.
Refundación Comunista Sanmarinesa
Rifondazione Comunista Sammarinese
Partido político de San Marino
Dirixentes e organización
LíderAngelo Della Valle
Filiación internacionalPartido da Esquerda Europea
Historia
Fundación1992
Disolución2012
Posicións políticas
IdeoloxíaComunismo
Outros datos
SedeVia Ca' dei Lunghi, 70/A – Borgo Maggiore
Na rede
www.sxun.org

A Refundación Comunista Sanmarinesa (en italiano: Rifondazione Comunista Sammarinese, RCS) foi un partido político comunista de San Marino, foi membro da Esquerda Europea.

Creouse en 1992, cando o antigo Partido Comunista de San Marino se uniu xunto o Partido Democrático Progresista de San Marino e outros partidos nun único.

Nas eleccións xerais de 2001 o RCS conseguiu un 3.4% dos votos, mentres que nas do 2006 aumentou ata o 8.7% e logrou cinco escanos no Consello Grande e Xeral e como parte da Esquerda Unida, incluíndo o Partido de esquerda, unha escisión do Partido dos Demócratas. Dende entón formou parte da coalición de goberno 2006–2008 xunto co Partido dos Socialistas e dos Demócratas e Alianza Popular, ata que as tensións entre o seu grupo e os demais provocou que a coalición comezara a desintegrarse.

Nas eleccións parlamentarias de 2008, Esquerda Unida, o grupo político da Refundación Comunista, formou parte de Riforme e Libertà, unha coalición electoral que conseguiu 25 dos 60 escanos do Consello Grande e Xeral logrou o 45.78% dos votos, pero non obtivo a maioría política. A Refundación Comunista Sanmarinesa conseguiu uns poucos escanos e unha pequena porcentaxe do voto nacional como parte de Esquerda Unida que conseguiu 5 escanos e o 8.75% do voto nacional.

Durante a lexislatura, Esquerda Unida foi reestructurada pasando d ser unha alianza a ser un partido político, absorbendo a Refundación Comunista Sanmarinesa.

Véxase tamén[editar | editar a fonte]

Ligazóns externas[editar | editar a fonte]