Real Sociedad de Fútbol B
| Real Sociedad B | |||
|---|---|---|---|
| Nome | Real Sociedad de Fútbol B | ||
| Alcume(s) | Sanse, txuriurdines, potrillos | ||
| Fundación | 1951 | ||
| Estadio | Campo Z-7, Instalacións de Zubieta, Zubieta, Guipúscoa  | ||
| Capacidade | 2.500 espectadores | ||
| Presidente | Jokin Aperribay | ||
| Adestrador | Meho Kodro | ||
| Liga | 2ª B - Grupo 2 | ||
| 2011–12 | 12º | ||
| Na rede | |||
| http://www.realsociedad.com | |||
| |||
A Real Sociedad de Fútbol B, coñecida habitualmente como Sanse, é o equipo filial da Real Sociedad. Foi fundado en 1951 e actualmente xoga na Segunda División B.
Historia[editar | editar a fonte]
O equipo foi fundado en 1951 baixo o nome de San Sebastián Club de Fútbol, como equipo filial da Real Sociedad, un dos equipos clásicos da Primeira División. O San Sebastián CF, coñecido popularmente como Sanse foi desde o inicio o equipo no que se fogueaban as novas promesas da Real Sociedad antes de dar o salto ao primeiro equipo. Por iso a súa principal función foi a de formar xogadores, máis que a de obter bos resultados na Liga.
Polas filas do Sanse pasaron numerosos xogadores que triunfaron posteriormente na Real Sociedad e outros equipos. O Sanse tivo unha grande importancia na historia da Real Sociedad, xa que este foi tradicionalmente un equipo de canteira que se nutriu máis dos mozos formados nas súas categorías inferiores que de fichaxes externas. Na actualidade a Real Sociedad segue mantendo no seu persoal unha maioría de xogadores formados no Sanse.
No que respecta ás categorías nas que militou; o Sanse chegou a alcanzar a Segunda División en 1960. Na tempada seguinte (1961-62) obtivo a súa mellor clasificación, un 5º posto. Con todo, deuse o paradoxo de que a unha excelente campaña do filial uniuse unha pésima campaña da Real Sociedad, que descendeu aquela mesma tempada de Primeira a Segunda división. A Real arrastrou na súa caída ao Sanse á Terceira División, xa que un equipo filial non pode xogar na mesma categoría que o seu irmán maior. O bloque de xogadores do Sanse que militou en Segunda División foi o mesmo que cinco anos despois logrou devolver á Real Sociedad a Primeira.
Desde entón, o Sanse, non retornou nunca máis a Segunda división, pasando o resto de campañas ata a actualidade en Terceira ou Segunda B. En 1991 e en 2006 chegou a disputar os play-offs de ascenso á Segunda división.
En 1992 un cambio na normativa obrigou ao equipo a cambiar o seu nome e desde entón é coñecido oficialmente como Real Sociedad de Fútbol B, aínda que a nivel popular segue recibindo o nome de Sanse.
Uniforme[editar | editar a fonte]
- Uniforme titular: Camiseta a franxas verticais azuis e brancas, pantalón branco e medias azuis.
- Uniforme alternativo: Camiseta negra e gris, pantalón negro e medias negras.
Estadio[editar | editar a fonte]
A Real Sociedad B xoga os seus partidos no campo Z-7 das Instalacións de Zubieta, con capacidade para 2.500 espectadores.
A cidade deportiva de Zubieta é onde adestran a Real Sociedad e todos os seus equipos inferiores. Estas instalacións atópanse moi preto do Hipódromo de San Sebastián e de aí deriva o alcume de potrillos que reciben os xogadores da Real Sociedade B.
Datos do club[editar | editar a fonte]
- Tempadas en 1ª: 0
- Tempadas en 2ª: 2
- Tempadas en 2ªB: 27 (Incluída a 2012/13)
- Tempadas en 3ª: 27
- Mellor posto na liga: 5º (2ª tempada 61-62)
- Peor posto na liga: 9º (2ª tempada 60-61)
- Posto na clasificación histórica de filiais: 9º
Xogadores[editar | editar a fonte]
Cadro 2010/11[editar | editar a fonte]
Actualizado a 1 de setembro de 2010.
|
|
