Ray Loriga

Na Galipedia, a Wikipedia en galego.
Ray Loriga
Nome completoJorge Loriga Torrenova
AlcumeRay Loriga
Nacemento5 de marzo de 1967
Lugar de nacementoMadrid
NacionalidadeEspaña
Ocupacióndirector de cinema, guionista, escritor e escritor de ciencia ficción
CónxuxeChristina Rosenvinge
Na rede
IMDB: nm0520943 Allocine: 83675 Allmovie: p234081 Dialnet: 1102030 Editar o valor em Wikidata
editar datos en Wikidata ]

Jorge Loriga Torrenova coñecido como Ray Loriga, nado en Madrid o 5 de marzo de 1967, é un escritor, guionista e director de cine español.

Traxectoria[editar | editar a fonte]

É fillo do ilustrador José Antonio Loriga e da actriz de dobraxe Mari Luz Torrenova.

Tras traballar en diversos oficios e publicar relatos en diferentes publicacións como Underground ou El canto de la tripulación, debutou en 1992 coa súa novela Lo peor de todo. Tivo grande éxito de público e crítica, e foi publicada en toda Europa, como exemplo da literatura da Xeración X.

Moi relacionado co cine, debutou como director en 1997 con La pistola del hermano, adaptación da súa novela Caídos del cielo, e na que ademais da súa entón parella sentimental, a cantante Christina Rosenvinge, aparecían Daniel González, Viggo Mortensen, Karra Elejalde e Nico Bidasolo. En 2006 rodou Teresa, el cuerpo de Cristo, que aborda a vida de Santa Tareixa, interpretada por Paz Vega, xunto a Leonor Watling, Geraldine Chaplin, José Luis Gómez García e Eusebio Poncela.

En 1997 colaborou no guión da película de Pedro Almodóvar Carne trémula. Así mesmo, escribiu en 2004 o guión da película El séptimo día de Carlos Saura, e no 2005 escribiu xunto ó director e a Elio Quiroga o guión de Ausentes de Daniel Calparsoro.

En 2007 editouse a continuación de Días extraños, baixo o nome de Días aún más extraños, un libro composto por varios artigos, unha carta a Rodrigo Fresán e un par de relatos.

É pai de dous fillos, Wilhem e Kay, froito da súa relación con Christina Rosenvinge. Tamén estivo relacionado sentimentalmente coa top model Eugenia Silva.

Bibliografía[editar | editar a fonte]

Ano Título Xénero
1992 Lo peor de todo Novela
1993 Héroes Novela
1994 Días extraños Relatos
1995 Caídos del cielo Novela
1997 Carne trémula Guión cinematográfico
1997 La pistola de mi hermano Guión cinematográfico
1999 Tokio ya no nos quiere Novela
2000 Trífero Novela
2004 El séptimo día Guión cinematográfico
2004 El hombre que inventó Manhattan Novela
2005 Ausentes Guión cinematográfico
2006 Los indios no hacen ruido Conto infantil
2007 Teresa, el cuerpo de Cristo Guión cinematográfico
2007 Días aún más extraños Relatos e artigos

Filmografía[editar | editar a fonte]

Ano Título
1997 La pistola de mi hermano
2007 Teresa, el cuerpo de Cristo

Véxase tamén[editar | editar a fonte]

Ligazóns externas[editar | editar a fonte]