Rawalpindi

Na Galipedia, a Wikipedia en galego.

Rawalpindi é unha cidade do norte de Paquistán situada no extremo setentrional da provincia do Punjab, a carón da capital do país, Islamabad.

Nun lugar de antigo poboamento, foi precisamente no tempo da construción da capital paquistaní despois da independencia cando Rawalpindi experimentou un gran crecemento, coma capital provisional (1957-1969) e polos moitos postos de traballo que a devandita construción xerou.

Hoxe é un importante centro militar e industrial de preto de dous millóns habitantes conurbado con Islamabad nunha aglomeración que conta con arredor de catro millóns.