Raquel Welch

Na Galipedia, a Wikipedia en galego.
Raquel Welch
Nome completoJo Raquel Tejada
Alcume/outrosRaquel Welch
Nacemento5 de setembro de 1940
LugarChicago
Falecemento15 de febreiro de 2023
LugarOs Ánxeles
CausaParada cardiorrespiratoria
NacionalidadeEstados Unidos de América
EtniaPobo inglés e Bolivianos
Educada enUniversidade Estadual de San Diego
PaiArmando Carlos Tejada Urquizo
NaiJosephine Sarah Hall
Cónxuxe(s)André Weinfeld e Patrick Curtis
FillosTahnee Welch
Profesiónactriz de televisión, actriz de cinema, cantante, modelo, escritora e actriz
Na rede
IMDB: nm0000079 Allocine: 5149 Rottentomatoes: celebrity/raquel_welch Allmovie: p75368 TCM: 203892 Metacritic: person/raquel-welch TV.com: people/raquel-welch IBDB: 82239
Last fm: Raquel+Welch Musicbrainz: 6869e8ac-256e-4b6f-b02b-35e15497391b Discogs: 395067 WikiTree: Tejada-36 Find a Grave: 249521042 Editar o valor em Wikidata
editar datos en Wikidata ]

Jo Raquel Tejada, coñecida polo alcume artístico de Raquel Welch, nada en Chicago (Illinois) o 5 de setembro de 1940 e finada en Bel Air[1] (Os Ánxeles) o 15 de febreiro de 2023, foi unha actriz estadounidense, sex symbol na década de 1960.

Traxectoria[editar | editar a fonte]

Naceu en Chicago, filla do enxeñeiro aeronáutico boliviano Armando Carlos Tejada Urquizo (1911–1976) e de Josephine Sarah Hall (1909–2000), filla do arquitecto Emery Stanford Hall. Estudou ballet desde os sete aos dezasete anos, pero deixouno porque o seu mestre dixo que non tiña o corpo axeitado.[2] Tras mudarse coa súa familia a California gañou un concurso de beleza con catorce anos e no instituto gañou tamén o título de Miss Fairest of the Fair na Feira do Condado de San Diego.[3] Graduouse en 1958 e o ano seguinte, tras quedar embarazada, casou co seu mozo James Welch.

Buscando unha carreira como actriz estudou arte dramática e conseguiu papeis en producións teatrais locais. Tamén informou do tempo na canle de televisión de San Diego KFMB-TV. Tras separarse do seu marido marchou a Dallas, Texas, onde traballou de modelo e camareira.

En 1963 volveu aos Ánxeles e coñeceu o produtor e axente Patrick Curtis, co que desenvolveu a idea de convertela en sex symbol. Para evitar a imaxe de latina, decidiron empregar o seu apelido de casada.

Participou en pequenos papeis en series de televisión antes de debutar no cinema e ser contratada para o papel protagonista de Fantastic Voyage, filme de ciencia ficción que a converteu nunha estrela. Ese mesmo ano foi enviada ao Reino Unido polo Fox Studio para protagonizar Hai un millón de anos, na que só levaba posto un bikini feito de pel de cervo. Unha foto publicitaria deste filme converteuse no póster máis vendido e deulle esa imaxe de pin-up girl.

Durante as décadas seguintes seguiu aparecendo en filmes e especialmente na televisión.

Filmografía[editar | editar a fonte]

Notas[editar | editar a fonte]

  1. Pham, Jason (2023-02-16). "How Did Raquel Welch Die? She Was Diagnosed With a ‘Brief Illness’ Right Before She Passed". StyleCaster (en inglés). Consultado o 2023-02-19. 
  2. Avery, Susan (10 de xullo de 2010). ParentDish.com, ed. "Raquel Welch, Reluctant Sex Symbol, Talks About Making Amends With Her Kids". 
  3. Diane, Welch (19 de marzo de 2006). San Diego Union Tribune, ed. "The way we were - 'Fairest of the Fair' part of Del Mar's history". 

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]