Ramapithecus

Na Galipedia, a Wikipedia en galego.

Ramapithecus é un primate extinto, coñecido por unha mandíbula fragmentaria e algúns dentes que atopou G. Edward Lewis en 1932 nos montes Siwalik, no norte da India, en medio de depósitos de 15 millóns de anos.

Achado[editar | editar a fonte]

Dende 1961 coa descuberta de restos dunha mandíbula parecida por Richard Leakey, e sobre todo tras unha serie de artigos de Elwyn Simons e David Pilbeam sobre a súa dentame, pensouse que era un antepasado humano, ata que en 1981 novos descubrimentos de simios fósiles en Turquía e Paquistán invalidaron as conclusións previas, e agora a maioría dos investigadores clasifícano dentro do xénero Sivapithecus, un antepasado do orangután.