Ramón Villares

Ramón Villares

Ramón Villares Paz, nado en Cazás (Xermade) o 12 de xaneiro de 1951, é doutor en Historia desde 1980 e presidente do Consello da Cultura Galega dende o 20 de abril de 2006.

Traxectoria

Catedrático de Historia Contemporánea da Universidade de Santiago de Compostela dende 1987. É autor de máis de setenta publicacións.

Decano da Facultade de Xeografía e Historia (1986 - 1990) e reitor magnífico da Universidade de Santiago (1990-1994), membro fundador e presidente (1996-2002) da Asociación Española de Historia Contemporánea, na actualidade é director en Galicia da UIMP (dende 1998).

En 2005 foi galardoado co Premio Fernández Latorre [1].

Forma parte do Consello Editorial de Marcial Pons Ediciones de Historia e pertence ao consello asesor de revistas como Ayer (M. Pons Ediciones de Historia), Historia Social (Valencia), Hispania (Madrid), Ler Historia (Lisboa) ou Perspectivas Históricas (México) e Estudios Migratorios.

Predecesor: Alfonso Zulueta de Haz

Presidente do Consello da Cultura Galega 2006 -

Sucesor: no cargo

Obra en galego

Ensaio

• Foros, frades e fidalgos, Estudos de historia social de Galicia, Xerais, Vigo, 1982.
• Galicia. A Historia, Galaxia, Vigo, 1984 (con versión en lingua española -1986, Alianza- e portuguesa).
• Parlamento de Galicia, Parlamento de Galicia, 1993.
• Desamortización e réxime de propiedade, A Nosa Terra, 1994.
• Idea da Universidade, Universidade de Santiago de Compostela, 1996.
• Figuras da nación, Xerais, Vigo, 1997.
• Historia de Galicia, Galaxia, 2004.
• Fuga e retorno de Adrián Solovio: sobre a educación sentimental dun intelectual galeguista, Real Academia Galega, 2006. Discurso de ingreso e resposta de Víctor Freixanes. Edición aumentada en Galaxia, 2007.
• Clío nas ondas: De libros, persoas e sazóns, 3C3, 2007.

Obras colectivas

• Os escritores lucenses arredor de Ánxel Fole, Concello de Lugo, 1986.
• Historia do mundo contemporáneo: textos escollidos (iniciación universitaria), Galaxia, 1986. Con Xosé A. Armas Castro.
• Donos de seu, Sotelo Blanco, 1988.
• Actas do Congreso Castelao, Universidade de Santiago de Compostela, 1989. Editor, con Xusto Beramendi.
• Textos e materiais para a historia de Galicia, Crítica (Barcelona), 1990.
• Historia da emigración galega a América, Santiago de Compostela, Xunta de Galicia, 1996. Con Marcelino Fernández Santiago.
• Xesús Ferro Couselo. 1906-1975: unha fotobiografía, Xerais, 1996. Con Marcos Valcárcel, Xesús Alonso Montero e Henrique Monteagudo.
• O conflicto foral nos séculos XVII e XVIII, Xunta de Galicia, 1997. Coeditor, con X. L. Díaz-Castroverde.
• Galicia: unha luz no Atlántico, Xerais, 2001.
• Ensinar Historia de Galicia. Aspectos historiográficos e didácticos, Universidade de Santiago de Compostela, 2002. Con Luís Martínez-Risco Daviña e Jurjo Torres Santomé.
• Galicia, o sorriso de Daniel, Consello da Cultura Galega, 2004. Con Miguel Anxo Seixas Seoane.
• O corazón das cidades: cascos históricos de Galicia, Lunwerg (Barcelona), 2006.
• Sigillum: memoria e identidade da Universidade de Santiago de Compostela, Universidade de Santiago de Compostela , 2007.
• Os símbolos de Galicia, Consello da Cultura Galega e Real Academia Galega, 2007. Edición con Xosé Luís Axeitos e Xosé Ramón Barreiro.
• A patria enteira: homenaxe a Xosé Ramón Barreiro Fernández, Consello da Cultura Galega, Universidade de Santiago de Compostela e Real Academia Galega, 2008. Coeditor, con Xosé Luís Axeitos e Emilio Grandío.
• Marcos Valcárcel. O valor da xenerosidade, Difusora, 2009.
• Ramón Suárez Picallo: a voz esquecida do galeguismo, Comisión Irmáns Suárez Picallo, 2009.
• Fermín Penzol: unha obra para un país, Galaxia, 2010.
• Á beira de Beiras. Homenaxe nacional, Galaxia, 2011.
• Emigrante dun país soñado. Luís Seoane entre Galicia e Arxentina, Fundación Luis Seoane, 2011.
• Promenade ... polo futuro presente: Cidade da Cultura de Galicia, Xunta de Galicia, 2011.

Obra en castelán

Ensaio

• Evolución de las estructuras agrarias de la provincia de Lugo, 1750-1936: propiedad y rentas de la tierra, Universidade de Santiago de Compostela, 1980.
• La propiedad de la tierra en Galicia 1500-1936, Siglo XXI Editores, Madrid, 1982.
• Anexo estadístico de la propiedad de la tierra en Galicia, 1500-1936, Universidade de Santiago de Compostela, 1982.
• El indiano gallego: mito y realidad de sus remesas de dinero, 1984.

Obras colectivas

• Historia de Galicia, Alhambra, Madrid, 1981.
• Señores y campesinos en la Península Ibérica, siglos XVIII-XX, Editorial Critica/Consello da Cultura Galega, Barcelona, 1991. En colaboración con Pegerto Saavedra.
• La historia en el 94, Marcial Pons (Madrid), 1995.
• Imagen e historia, Marcial Pons (Madrid), 1996.
• Nobleza y sociedad (III). Las noblezas españolas, reinos y señoríos en la Edad Moderna, Fundación Banco Santander Central Hispano, Madrid, 1999.
• Año mil, año dos mil: dos milenios en la Historia de España (Congreso internacional), Sociedad Estatal España Nuevo Milenio, Madrid, 2001.
• El mundo contemporáneo, siglos XIX y XX, Editorial Taurus, Madrid, 2001. En colaboración con Ángel Bahamonde.
• Historia de España. 12 volumes, Crítica (Barcelona), 2007. Director da edición, con Josep Fontana.

Véxase tamén

Ligazóns externas

• Web oficial de Ramón Villares.
• C.V. de Ramón Villares na páxina do Consello da Cultura Galega.
• Ficha do autor na AELG
• Entrevista en El País, 1-XII-2006, "Galicia é nación porque creou unha cultura".
• Ramón Villares na mediateca do Consello da Cultura Galega