Ramón García Vázquez
| Biografía | |
|---|---|
| Nacemento | 18 de marzo de 1952  (72 anos)Betanzos, España |
| Alcalde | |
| | |
| Datos persoais | |
| País de nacionalidade | España |
| Actividade | |
| Lugar de traballo | Betanzos |
| Ocupación | político |
| Partido político | Partido Socialista Obrero Español |
| Membro de | |
| Lingua | Lingua castelá |
José Ramón García Vázquez, nado en Betanzos o 18 de marzo de 1952, é un político galego do PSdeG-PSOE.
Traxectoria[editar | editar a fonte]
Incorporouse á política brigantina nas eleccións municipais de 1987, como número 8 da lista do PSdeG-PSOE encabezada por Manuel Lagares Pérez. A vitoria do seu partido permitiulle ser investido como concelleiro e facerse cargo da área de acción rural. Volveu ser elixido concelleiro en todas as eleccións municipais, sempre nas listas do partido socialista, e ocupou diversos cargos na administración local.
Logo da perda da alcaldía polos socialistas nas municipais de 2007, e a posterior dimisión do seu cabeza de lista en novembro dese ano, asumiu a función de portavoz do seu partido na oposición, para posteriormente concorrer ás municipais de 2011 como cabeza de lista e candidato a alcalde. Os seis concelleiros obtidos, unidos aos dous do BNG e ao único logrado polos independentes Cidadáns por Betanzos, permitíronlle formar goberno en minoría e ser investido alcalde o 11 de xuño[1]. Revalidou a alcaldía nas municipais de 2015, subindo a 7 concelleiros e gobernando en minoría.
O 17 de xullo de 2018 presentou a súa dimisión por motivos de saúde[2], polo que foi substituído pola súa número 2 María Barral Varela.
| Predecesor: María Faraldo |
 Alcalde de Betanzos 2011 - 2018 |
Sucesor: María Barral Varela |
Notas[editar | editar a fonte]
- ↑ "CxB devuelve al PSOE el gobierno de Betanzos". La Voz de Galicia. 12 de junio de 2011. Consultado o 31 de julio de 2011.
- ↑ Ramón García Vázquez renuncia a su cargo por motivos de salud tras siete años como alcalde de Betanzos