Ralph Bakshi

Na Galipedia, a Wikipedia en galego.
Ralph Bakshi
Ralph Bakshi.jpg
Bakshi na Comic Con de San Diego de 2008.
Información persoal
Nacionalidade
Data de nacemento 29 de outubro de 1938
Lugar de nacemento Haifa (Mandato Británico de Palestina)
Filmografía
Películas dirixidas Fritz the Cat (1972)
Heavy Traffic (1973)
The Lord of the Rings (1978)
Cool World (1992)
Películas guionizadas Fritz the Cat (1972)
Heavy Traffic (1973)
Películas producidas Fritz the Cat (1972)
Heavy Traffic (1973)

Ficha en IMDb

Ralph Bakshi, nado en Haifa, Mandato Británico de Palestina, o 29 de outubro de 1938, é un cineasta e animador estadounidense. A medida que a industria de animación estadounidense declinaba durante as décadas de 1960 e 1970, Bakshi intentou innovar e foi pioneiro da animación para adultos, como Fritz the Cat baseado no personaxe de Robert Crumb. En 1978 dirixiu a primeira adaptación cinematográfica de O Señor dos Aneis, a novela de fantasía heroica de J. R. R. Tolkien. O seu último éxito foi Cool World (1992), que mestura imaxe real con debuxos animados.

Traxectoria[editar | editar a fonte]

Ralph Bakshi naceu o 29 de outubro de 1938 en Haifa, daquela parte do Mandato Británico de Palestina. En 1939, a súa familia mudouse a Nova York para escapar da Segunda Guerra Mundial.[1][2] Criouse no Brooklyn e estudou na "High School of Industrial Art". Despois de graduado estivo traballando nos estudios de animación de Terry Toons en New Rochelle, coloreando personaxes como Mighty Mouse e outros. Desde os 25 anos traballou como director creativo dos estudios CBS, onde creou os Mighty Heroes.

En 1967, a Paramount chamouno para producir e dirixir longametraxes como Marvin Digs, Mini Squirts, Fritz the Cat, etc. Este último foi escrito e dirixido por el en 1971. A partir de aí Bakshi dirixiu varias longametraxes como Heavy Traffic en 1973, Street Fight en 1975 e Wizards en 1977.

En 1978 Ralph Bakshi dirixiu The Lord of the Rings, unha historia adaptada do clásico de J. R. R. Tolkien, usando técnicas do rotoscopio, método usado por Disney para animar personaxes ultra-realistas.

En 1981 estrou American Pop, onde aborda a evolución dun grupo de música americano que inclúe como banda sonora músicas de George Gershwin, Dave Brubeck, Herbie Hancock, Bob Dylan, The Doors, Velvet Underground e Jimi Hendrix, entre outros. Seguidamente Hey Good Lookin (1981) e Fire and Ice (1983), colaborando con Frank Frazetta, renomeado ilustrador de cómics fantásticos, que conta a historia dun heroe que salva unha princesa dun tirano que ten o poder de dominar o xeo.

En 1991 comeza a traballar en Cool World, filme que mestura a animación con imaxes reais e na cal traballa con Brad Pitt e Kim Basinger.

Filmografía[editar | editar a fonte]

Ralph Bakshi en xaneiro de 2009, en Austin (Texas).

Notas[editar | editar a fonte]

  1. "Biografía". http://www.ralphbakshi.com/bio.php. Consultado o 25 de xaneiro de 2012.
  2. Tom, Buckley (20 de febreiro de 1981). "Ralph Bakshi, an immigrant's son, looks back". http://query.nytimes.com/gst/fullpage.html?res=9F07E6DC1739F933A15751C0A967948260. Consultado o 25 de xaneiro de 2012.
  3. "Filmografía". http://www.ralphbakshi.com/films.php. Consultado o 25 de xaneiro de 2012.

Véxase tamén[editar | editar a fonte]

Ligazóns externas[editar | editar a fonte]