Rafa Villar
Rafael Xesús Villar González, nado en Cee o 2 de abril de 1968, é un escritor galego que ten destacado especialmente no eido da poesía.
Índice |
[editar] Traxectoria
É licenciado en Filoloxía galego-portuguesa pola Universidade de Santiago de Compostela e traballa no servizo de normalización lingüística da Confederación Intersindical Galega. Foi voceiro da xestora nacional da plataforma Nunca Máis e parte da directiva da Asociación de Escritores en Lingua Galega. Membro do Batallón Literario da Costa da Morte, foi tamén un dos fundadores e impulsores da editora Letras de Cal.
Comeza a ser coñecido sobre o ano 1992, cando gaña con Liques da Memoria o premio Fermín Bouza Brey para autores novos. Interesado nos xeitos alternativos de edición, foi un dos primeiros autores galegos en facer edicións web da súas obras, así como de ter unha páxina persoal: Mares de Simbad onde ofrecía parte da súa obra poética xunto con artigos sobre a creación e edición literarias. Tamén participou na creación da editora dixital Retagarda Edicións, que ofrecía libros en formato de diskette. Co seu libro Casa ou sombra gaña o Premio Cómaros Verdes do concello de Vilagarcía de Arousa. Como narrador gañou o Premio Curuxa do Humor para narracións curtas.
En 2008 gaña a XXIV edición do Premio de Poesía Cidade de Ourense co poemario Migracións.
[editar] Obra publicada
[editar] Poesía
- Liques da memoria, Caixa Galicia, 1993.
- O devalo do mar, edición do autor, Santiago de Compostela, 1994.
- A sotavento dunha singradura, Espiral Maior, 1995.
- No mesmo espacio, Edicións do Dragón, 1995.
- Casa ou sombra, Xerais, 1997.
- O tributo da tarde, Editorial Toxosoutos, 1997.
- Illa adentro, Edición web, 1998.
- Ícaro, Edições Tema 1999, Retagarda Edicións, Santiago, 2000.
- Días de Sherezade, Espiral Maior, 2000.
- No ventre da balea. Antoloxía persoal 1994-2004, El Correo Gallego, 2004.
- Escoración dos días, Ediciós do Castro, 2007.
- Memoria de Ahab, Sotelo Blanco, 2007.
- Migracións, Espiral Maior, 2008.
[editar] Literatura infanto-xuvenil
[editar] Obras colectivas
- O mar de adentro, Edicións do Dragón, 1990.
- Homenaxe a Miguel González Garcés, Deputación da Coruña, 1991.
- Chineses, O Correo Galego, 1996.
- De mar e vento, Espiral Maior, 1997.
- Rumbo ás illas. Escritores da Costa da Morte nas Sisargas, Asociación Cultural Monte Branco/Asociación Neria, O Couto, Ponteceso, 1997.
- Bestiario, Edicións do Dragón, 1998.
- Mar por medio, Batallón Literario da Costa da Morte, 1998.
- Poesía na noite, Concello de Caldas de Reis, 1998.
- dEfecto 2000 (Antoloxía de poetas dos 90), Letras de Cal, 1999.
- O entrelazo das palabras, 1999, BNG de Compostela.
- Mini-relatos, Libraría Cartabón, 1999.
- Novas voces da poesía galega: recital, Consello da Cultura Galega, 2000.
- A tribo das baleas, 2001, Xerais.
- Alma de beiramar, AELG, 2003.
- Escrita Contemporánea, Homenaxe a Ánxel Casal, AELG, 2005.
- Son de poesia, 2005, Edições Fluviais, Lisboa.
- Educación e Paz III. Literatura galega pola Paz, 2008, Xerais.
- Letras novas, 2008, Asociación de Escritores en Lingua Galega.
- De Pondal ao Batallón Literario. 120 anos de poesía na Costa da Morte, 2009, Sotelo Blanco.
[editar] Traducións
- O século XXI. Socialismo ou barbarie?, de István Mészáros, 2003, Promocións Culturais Galegas.
[editar] Premios
- Premio de Poesía Liceo de Noia no 1989 e 1991.
- Premio Curuxa de Humor Literario no 1991.
- Premio Fermín Bouza Brey en 1992, por Liques da memoria.
- Accésit do Certame de Poesía da Casa da Xuventude de Noia no 1992, polo libro inédito Á alva coas maos molhadas.
- Premio Cómaros Verdes do concello de Vilagarcía de Arousa en 1997, por casa ou sombra.
- Premio de poesía Concello de Carral no 1999, por Días de Sherazade.
- Premio Eusebio Lorenzo Baleirón no 2006, por Escoración dos días.
- Premio de poesía Cidade de Ourense no 2008, por Migracións.
- Premio Arume de poesía para nenos/as da Fundación Xosé Neira Vilas no 2011, por Patente de corso (pequeno dicionario pirata).
