Radomo

Radomos no Centro de Operacións Navais de Misawa, Xapón.

Fragata onde se aprecian radomos

Radomo, suma das palabras radar e domo (cúpula), é o recubrimento dun radar ou antena co fin de protexela da intemperie pero sen que afecte ás súas propiedades electromagnéticas, permitindo pasar as ondas de radio á perfección.

A cuberta pódese construír con diversas formas (esférica, cúpula xeodésica, etc.). E en función da utilización da antena o material de construción tamén pode variar (fibra de vidro, PTFE, etc.). Nos avións e aeronaves, os radomos ademais de ofrecer protección reducen a resistencia aerodinámica.