ROSAT

Na Galipedia, a Wikipedia en galego.
ROSAT (Roentgen Satellit)
Tipo Observatorio espacial
Organización NASA/DARA[1]
Data de lanzamento 1 de xuño de 1990[2][3][4]
Foguete portador Delta II 6920-8[3][1][5]
Sitio de lanzamento Cabo Cañaveral[3][6]
Obxectivo da misión Observación astronómica en raios X.[3][6]
Decaemento 23 de outubro de 2011[2]
NSSDC ID 1990-049A
Masa 2421,1 kg[3]
Potencia 905 vatios[3]

ROSAT (acrónimo do alemán Roentgen Satellit) foi un observatorio espacial colaboración de Alemaña, Estados Unidos e Reino Unido, lanzado o 1 de xuño de 1990 mediante un foguete Delta II 6920-8 desde Cabo Cañaveral.[3][1][5]

Características[editar | editar a fonte]

ROSAT adicouse á observación astronómica no rango de lonxitudes de onda dos raios X. Estaba estabilizado nos tres eixos e tiña unha precisión no apuntado de 1 minuto de arco cunha estabilidade de 5 segundos de arco por segundo ou mellor. A orientación acadábase mediante dous sensores estelares CCD.[3][1]

A duración inicial da misión era de 18 meses, pero extendeuse varias veces.[3][1] ROSAT finalmente reentrou na atmosfera o 23 de outubro de 2011.[2]

Imaxe global do ceo en 0,75 keV obtida por ROSAT.

Instrumentos[editar | editar a fonte]

  • X-ray Telescope (XRT): o telescopio de raios X en si, un telescopio de incidencia rasante composto por catro telescopios tipo Wolter anidados cunha apertura de 84 cm e 240 cm de lonxitude focal, cunha resolución de 5 segundos de arco a enerxías medias. Traballaba no rango de enerxías entre 0,1 e 2 keV e alimentaba a tres instrumentos situados no plano focal: dous contadores proporcionais de orixen alemaña e unha cámara de alta resolución proporcionada polos Estados Unidos.
  • Telescopio para o ultravioleta extremo: telescopio proporcionado polo Reino Unido coaliñado co XRT e que traballaba no rango de enerxías entre 0,042 e 0,21 keV.

Notas[editar | editar a fonte]

  1. 1,0 1,1 1,2 1,3 1,4 "ROSAT" (en inglés). Gunter's Space Page. 2011. http://space.skyrocket.de/doc_sdat/rosat.htm. Consultado o 4 de febreiro de 2012.
  2. 2,0 2,1 2,2 "ROSAT" (en inglés). Real Time Satellite Tracking. 2011. http://www.n2yo.com/satellite/?s=20638. Consultado o 4 de febreiro de 2012.
  3. 3,0 3,1 3,2 3,3 3,4 3,5 3,6 3,7 3,8 "ROSAT" (en inglés). 4 de novembro de 2011. http://nssdc.gsfc.nasa.gov/nmc/spacecraftDisplay.do?id=1990-049A. Consultado o 4 de febreiro de 2012.
  4. (PDF) Note verbale dated 5 September 2001 from the Permanent Mission of Germany to the United Nations (Vienna) addressed to the Secretary-General. 4 de febreiro de 1980. pp. 2. http://www.unoosa.org/oosa/download.do?file_uid=1387.
  5. 5,0 5,1 "Delta 6920-8" (en inglés). 2011. http://astronautix.com/lvs/del69208.htm. Consultado o 26 de xuño de 2012.
  6. 6,0 6,1 "ROSAT" (en inglés). 2011. http://www.astronautix.com/craft/rosat.htm. Consultado o 4 de febreiro de 2012.

Véxase tamén[editar | editar a fonte]

Commons
Commons ten máis contidos multimedia na categoría: ROSAT

Ligazóns externas[editar | editar a fonte]