Rögle BK
| Rögle BK | |
|---|---|
 | |
| Fundación | 1932 |
| Cidade |  Ängelholm, Escania Suecia |
| Estadio | Lindab Arena (5.040 espectadores) |
| Liga | Hockeyallsvenskan |
| Campionatos | 0 |
| Director | Peter Hedlund[1] |
| Adestrador |  Dan Tangnes |
| Cores | Branco, verde e vermello |
| Na rede | |
| http://www.roglebk.se/ | |
   | |
O Rögle BK (de Rögle bandyklubb) é un equipo profesional de hóckey sobre xeo da cidade de Ängelholm (Suecia). Actualmente compite na segunda categoría do hóckey sobre xeo sueco, a Hockeyallsvenskan, e xoga os seus partidos como local no Lindab Arena, un pavillón con capacidade para 5.040 espectadores.
Historia[editar | editar a fonte]
O Rögle BK foi fundado en 1932 como club de bandy, polo que o club leva as siglas "BK" no seu nome ("BK" como abreviatura de Bandyklubb). O equipo de hóckey sobre xeo xogou na máxima categoría sueca deste deporte, naquel momento denominada Allsvenskan, entre 1966 e a tempada 1968–69; e novamente, na renomeada Elitserien, entre as tempadas 1992–93 e 1995–96. Logo doutros doce anos na segunda categoría (Hockeyallsvenskan), o equipo ascendeu de novo á Elitserien logo de rematar segundo no Dvalserien de 2008. O Rögle BK comezou a tempada 2008-2009 da Elitserien sorprendéntemente ben, e logo das primeiras 18 xornadas contaban con 33 puntos (teoricamente o Rögle BK era segundo porque o Linköpings HC tiña mellor diferenza de goles). Así e todo, o equipo rematou na décimo primeira praza ao final da liga regular, polo que tivo que disputar o Kvalserien de 2009 para manter a categoría, onde logo de rematar segundos por segunda vez consecutiva se aseguraron a súa participación un ano máis na máxima categoría. Na tempada 2009-2010 da Elitserien remataron na derradeira posición na liga regular, xogando un ano máis o Kvalserien, onde desta vez non puido conseguir a permanencia, descendendo á HockeyAllsvenskan. Logo de rematar na segunda posición o Kvalserien de 2012, o Rögle BK retornou á Elitserien.
Xogadores[editar | editar a fonte]
Números retirados[editar | editar a fonte]
- 1 Kenth "Swiss" Svensson, 1970–1987
- 9 Lennart Åkesson, 1950-51—1963-64,
- 13 Roger Elvenes, 1984–2000
- 19 Kenny Jönsson, 1991–1995, 2004–2009
- 25 Stefan Elvenes, 1985–1995, 1997–2000
Notas[editar | editar a fonte]
- ↑ "Rögle BK". Arquivado dende o orixinal o 08 de setembro de 2011. Consultado o 18 de xuño de 2012.
Véxase tamén[editar | editar a fonte]
Ligazóns externas[editar | editar a fonte]
- Sitio web oficial do Rögle BK Arquivado 17 de xuño de 2013 en Wayback Machine. (en sueco)
