Rómulo Gallegos

Rómulo Gallegos

Nome orixinal	(es) Rómulo Gallegos Freire
Biografía
Nacemento	2 de agosto de 1884 Caracas, Venezuela
Morte	7 de abril de 1969 (84 anos) Caracas, Venezuela
Lugar de sepultura	Panteão Nacional da Venezuela (pt)
Senador vitalicio
23 de xaneiro de 1961 – 5 de abril de 1969
Presidente de Venezuela
17 de febreiro de 1948 – 24 de novembro de 1948 ← Rómulo Betancourt – Carlos Delgado Chalbaud (pt)  →
Member of the Chamber of Deputies of Venezuela (en)
Datos persoais
País de nacionalidade	Venezuela
Relixión	Catolicismo
Educación	Universidade Central de Venezuela
Actividade
Ocupación	escritor , novelista , político , xornalista
Partido político	Ação Democrática (pt)
Membro de	Academia Venezuelana da Língua (pt)
Xénero artístico	Novela
Lingua	Lingua castelá
Premios  National Prize for Literature (en)  doutor honoris causa pola Universidade Nacional Autónoma de México
Sinatura

Rómulo Gallegos

Rómulo Galegos Freire, nado en Caracas o 2 de agosto de 1884 e finado na mesma cidade o 5 de abril de 1969, foi un escritor e político venezolano. Formouse na Universidade Central de Venezuela.

Biografía

Orixes galegas

Na Enciclopedia da Emigración Galega en liña mencionan que na Memoria do Ministerio de Relacións Interiores, referíndose á fundación o 9 de febreiro de 1945 do Lar Gallego de Caracas por Mosqueira Manso entre outros, nomearon socios de honra a Andrés Eloy Blanco e a Rómulo Gallegos, e subliñan:

a profunda relación do presidente e escritor Rómulo Gallegos Freire, descendente de galegos e que pasara tres veráns exilado en Beluso, Bueu, e o Ministro de Relacións Exteriores, o poeta Andrés Eloy Blanco Meaño, descendente tamén de galegos e afervoado defensor da República española.

Escritor

Está considerado o novelista venezolano máis relevante do século XX e un dos máis grandes literatos latinoamericanos de todos os tempos. Algunhas das súas novelas como Doña Bárbara pasaron a converterse en clásicos da literatura hispanoamericana.

Político

Exerceu o cargo de Presidente de Venezuela en 1948 por escasos nove meses, e converteuse no primeiro mandatario presidencial do século XX elixido de maneira directa, secreta e universal polo pobo venezolano, e foi o Presidente da República que obtivo a maior porcentaxe de votos ao seu favor en eleccións populares celebradas no país en todos os tempos, con máis do 80% da totalidade dos votos. Foi apartado do poder debido ao golpe de Estado de 1948, liderado por Carlos Delgado Chalbaud.

Entre 1960 e 1963 foi o primeiro presidente da recentemente creada Comisión Interamericana de Dereitos Humanos.

Homenaxes

Centros de ensino

Entre outros, levan o nome de Rómulo Gallegos:

• Colexio Rómulo Gallegos (Petare, Estado Miranda)
• Unidade Educativa Instituto Rómulo Gallegos en Valencia, estado Carabobo.

• A Universidade Nacional Experimental de los Llanos Centrales Rómulo Gallegos (UNERG), é unha universidade con sede en San Juan de los Morros, Estado Guárico.
• Centro Rómulo Gallegos de Estudos Latinoamericanos (CELARG), instituto de divulgación cultural de Caracas, Venezuela

Urbanismo

Municipios co seu nome

• A municipalidade Rómulo Gallegos, estado Apure, Venezuela.
• Municipio de Rómulo Gallegos, estado Cojedes, Venezuela.

Rúas e prazas

• Avenida Rómulo Gallegos, unha das vías máis importantes de Caracas, Venezuela
• Parque Nacional Santos Luzardo, nome tomado dun dos personaxes principais da súa famosa novela Doña Bárbara.
• Avenida Rómulo Gallegos (Barquisimeto, Estado Lara)

Premios

• O Premio Internacional de Novela Rómulo Gallegos é outorgado cada dous anos polo goberno de Venezuela.

Véxase tamén

• Rómulo Betancourt

• Andrés Eloy Blanco Meaño
• Universidade Central de Venezuela

Ligazóns externas

• Biografía (en castelán)