Río Orange

Na Galipedia, a Wikipedia en galego.
Orange
OrangeRiverUpington.jpg
Serán no Río Orange cerca de Upington.
País Sudáfrica, Namibia e Lesoto
Rexión n/d
Nacemento Montes Drakensberg
Altitude n/d
Lonxitude 2.090 Km
Caudal medio
Conca 973.000 km2
Desembocadura Océano Atlántico

O río Orange é o segundo río máis importante do sur de África despois do río Zambeze e o máis importante da república de Sudáfrica. Nace nos montes Drakensberg en Sudáfrica e percorre a fronteira entre este país e Lesotho, a uns 193 km da costa do océano Índico. O río Orange encamíñase non obstante cara ao oeste, nun percorrido de 2.200 km, trazando a fronteira meridional da Provincia do Estado Libre. Posteriormente discorre delimitando a fronteira entre Namibia e Sudáfrica e desemboca no océano Atlántico na cidade de Alexander Bay, a metade de camiño entre Walvis Bay e Cidade do Cabo.

O seu afluente máis destacado é o río Vaal, que tamén nace na cordilleira Drakensberg, ao leste de Johannesburgo e forma a fronteira entre o Transvaal e o Estado Libre, antes de unirse co Orange ao sueste de Kimberley. Tras unirse co Vaal, o Orange percorre os terreos áridos e salvaxes do sur da rexión de Kalahari e Namaqualand.

Durante os últimos 800 km do seu curso recibe moitos regueiros intermitentes e varios wadis. O volume do caudal redúcese considerablemente debido á evaporación. Na estación de chuvias, o Orange convértese nun impetuoso torrente.

O río foi descuberto por europeos en 1760 e foi bautizado co nome da Casa de Orange dos Países Baixos arredor de 1777-79.