Río Caudal

Caudal
O Caudal na altura de Mieres
País	Asturias
Rexión	n/d
Nacemento	Confluencia do Lena e Aller
Altitude	n/d
Lonxitude	18 km
Caudal medio
Conca
Desembocadura	Río Nalón

O río Caudal é un curso fluvial que corre pola zona central de Asturias, no norte da Península Ibérica, e verte as súas augas no río Nalón, despois de a penas 18 km de percorrido. Ten sona por constituír unha das dúas grandes concas mineiras de Asturias, distribuíndose na súa contorna varios pozos mineiros.

Curso

O Caudal nace en Sovilla, Mieres, a 256 metros de altura sobre o nivel do mar, da confluencia dos ríos Lena e Aller. O sentido xeral da súa marcha é sur-norte, pero cunha grande incurvatura cara oeste. Desemboca no Nalón á altura de Soto de Ribera.

Afluentes

Os seus tributarios son pequenos regatos dos que se poden citar o Duró, Turón, San Juan e máis o Valdecuna, entre outros.

Localidades que atravesa

A poboación máis importante que cruza é a cidade de Mieres.

Historia e curso do río

O río de Mieres, é dicer o Caudal, era denominado, até 1304, río Aller, polo que este semella ser o nome orixinal e o nacemento do río correspondería ao que hoxe se considera un confluente. A partir desa data pasou a denominarse Caudal pola abundante auga que levaba. Popularmente é denominado polos mierenses "río grande". Porén durante o século XX a continuación do Caudal, río arriba, considerouse que era o río Lena, como se pode ver en atlas de uso corrente. Esta identificación aínda se mantén na actualidade por organismos oficiais, como a Confederación Hidrográfica do Cantábrico, que o expón así na súa cartografía.

Prolongado a través do Lena, o Caudal atinxe un total de 61 km de lonxitude e o seu nacemento viría a radicarse nos Montes de Val Grande, nas inmediacións do Porto de Pajares, moi cerca das lindes con a provincia de León.