Río Almanzora

Na Galipedia, a Wikipedia en galego.
Almanzora
Cuevas Almanzora Embalse.jpg
Vista do encoro do Almanzora con o canle de piragüísmo en primeiro termo
País España
Rexión n/d
Nacemento Serra dos Filabres
Altitude n/d
Lonxitude 105 km
Caudal medio
Conca
Desembocadura Mar Mediterráneo
O Almanzora é o río máis importante no extremo oriental de Andalucía

O Almanzora é un río de 105 km de lonxitude que corre pola provincia de Almería, na comunidade andaluza, no sudeste de España. Desauga directamente no Mar Mediterráneo.

Percorrido[editar | editar a fonte]

O sentido xeral do curso do río é de oeste a leste. Nace na vertente setentrional da serra dos Filabres, moi preto das lindes entre a provincia de Granada e a de Almería, a uns 1900 m.s.n.m. Até Alcóntar colle unha dirección norte, para emprender logo un decidido fluír cara levante, e alcanzar a veiga de Vera, onde desemboca, cerca de Palomares, no mar.

Afluentes[editar | editar a fonte]

Os seus afluentes son polo xeral curtos ao baixar das vertentes montañosas que arrodean o curso principal. Destacan:

Réxime hídrico[editar | editar a fonte]

  • É un río de réxime pluvial-torrencial, caracterizado por grandes e perigosas cheas, a última das cales se rexistrou en outubro de 1973.

Poboacións nas beiras[editar | editar a fonte]

Entre as poboacións sitas nas súas orelas destacan: Tíjola, Purchena, Zurgena, Vega de Almanzora e Vera.

Nome[editar | editar a fonte]

O Almanzora identificase co denominado Surbo nos textos romanos. O nome árabe está ben documentado, porén a explicación habitual, p. ex. en Nieto Ballester, Breve diccionario de topónimos españoles. Madrid. 1997, s.v. Cuevas del Almanzora, que da do árabe al-mansura "a vitoriosa; lugar da vitoria", semella algo traído polos pelos, máis cando se compara con outros dous Puente Almanzora (Murcia) e Fuente Almanzora (Málaga), e lexitimamente cabería preguntarse se non hai atracción do máis coñecido nome Al-Mansur = Almanzor, por al-majar "curso de agua".