Quim Monzó

Quim Monzó

Quim Monzó, nado en Barcelona el 24 de marzo do 1952, é un escritor e xornalista catalán.

Traxectoria

Deuse a coñecer ao gañar o premio Prudenci Bertrana coa novela L’udol del griso al caire de les clavegueres (1976) e dende entón construíu unha moi persoal obra narrativa onde predomina o xénero do relato breve. Premiado con galardóns como o Nacional de Literatura, o Premio de Narrativa Ciutat de Barcelona, o Lletra d’Or, o dos lectores de El Temps e, en varias ocasións, o Premio da Crítica, a súa narrativa está traducida a máis de vinte idiomas. É columnista habitual no xornal La Vanguardia. En 2007 escribiu e leu o discurso inaugural da Feira do Libro de Frankfurt, ano en que a cultura catalá foi a convidada. Monzó deseñou un aplaudido escrito en forma de conto que difería totalmente dos discursos tradicionais. De decembro de 2009 a abril de 2010 tivo lugar na sala Arts Santa Mònica de Barcelona unha gran exposición retrospectiva sobre a súa vida e a súa obra, que levaba por título Monzó.

Obras

Traducións a galego A magnitude da traxedia. Edicións Positivas, 1991. Tradución de Manuel Cortés Tallón. Vinte e nove contos. Sotelo Blanco Edicións, 2008. Tradución de María Xesús Lama López. Mil cretinos. Edicións Xerais, 2008. Tradución de Helena González Fernández. Narrativa L'udol del griso al caire de les clavegueres, 1976 Self Service, 1977, con Biel Mesquida. Uf, va dir ell, 1978. Olivetti, Moulinex, Chaffoteaux et Maury, 1980. Benzina, 1983. L'illa de Maians, 1985. La magnitud de la tragèdia, 1989. El perquè de tot plegat, 1993. Guadalajara, 1996. Vuitanta-sis contes, 1999. El millor dels mons, 2001. Mil cretins, 2007.

Artigos El dia del senyor, 1984. Zzzzzzzz, 1987. La maleta turca, 1990. Hotel Intercontinental, 1991. No plantaré cap arbre, 1994. Del tot indefens davant dels hostils imperis alienígenes, 1998. Tot és mentida, 2000. El tema del tema, 2003. Catorze ciutats comptant-hi Brooklyn, 2004. Esplendor i glòria de la Internacional Papanates, 2010

Véxase tamén

Ligazóns externas

• Páxina de Quim Monzó (en catalán) (en inglés) (en castelán)
• Edicións Xerais
• Sotelo Blanco Edicións
• Edicións Positivas
• Milleiros de artigos de Quim Monzó na hemeroteca de La Vanguardia (en catalán) (en castelán)
• Páxina dedicada a o libro Monzó. Com triomfar a la vida (en catalán)
• Editorial Quaderns Crema (en catalán)
• Editorial Anagrama (en castelán)
• Editorial Acantilado (en castelán)