Quim Barreiros

Na Galipedia, a Wikipedia en galego.
Quim Barreiros
Orixe Caminha (Viana do Castelo), Portugal Flag of Portugal.svg
Período 1971 - Actualidade
Xénero(s) Pop, Forró, Música Pimba
Web oficial http://www.quimbarreiros.pt/


Joaquim de Magalhães Fernandes Barreiros, nado en Vila Praia de Âncora (Viana do Castelo) o 19 de xuño de 1947, máis coñecido coma Quim Barreiros, é un cantante popular portugués que toca o acordeón, coñecido polas súas letras de duplo sentido. Algúns dos seus éxitos máis coñecidos son "A Cabritinha", "Bacalhau à Portuguesa" ou "Garagem da Vizinha".

Traxectoria[editar | editar a fonte]

Quim Barreiros comezou a aprendizaxe do acordeón con 8 anos, e con 9 xa tocaba a batería no conxunto de seu pai ("Conxunto Alegría").

En 1968 comeza o seu servizo militar para a Forza Aérea Portuguesa en calidade de músico na famosa Banda da Forza Aérea, mais remata a súa carreira militar no 1974. Foi nese período de músico militar onde tivo a oportunidade de tocar nas principais casas de Fado e restaurantes típicos. Coñeceu así ao famoso guitarrista Jorge Fontes con quen gravou o seu primeiro disco, no 1971. Aos poucos, Quim Barreiros foi actuando en tódolos países onde existen comunidades de portugueses (Canadá, Estados Unidos, Venezuela, Brasil, África do Sur, Francia, Alemaña, Inglaterra, España e outros) acadando unha gran popularidade tamén en Galiza.

Discografía[editar | editar a fonte]

  • O Malhão Não É Reaccionário (1975)
  • Dance Com Quim Barreiros e o Super-Trio (1981)
  • Bacalhau à Portuguesa (1986)
  • Riacho da Pedreira (1986)
  • CD D'Ouro (1991)
  • O Sorveteiro (Chupa Teresa) (1992)
  • Original (O Franguito da Maria) (1992)
  • Insónia (1993)
  • Deixa Botar Só a Cabeça (Acredita em Mim) (1993)
  • Meu Dinossauro (1994)
  • Mestre de Culinária (1994)
  • Os 60 Maiores Êxitos (1994)
  • Nunca Gastes Tudo (1995)
  • Minha Vaca Louca/Melhor Dia Para Casar (1996)
  • 15 Grandes Sucessos (1997)
  • Marcha da Expo'98 (A Ultima do Milénio) (1998)
  • Na Internet (1998)
  • O Melhor dos Melhores (1998)
  • Marcha do 3º Milénio (1999)
  • A Garagem da Vizinha (2000)
  • Comer, Comer (2001)
  • Depois da Uma (2002)
  • Cantares ao Desafio (2002)
  • O Melhor de Quim Barreiros (2003)
  • Na Tua Casa Tá Entrando Outro Macho (2003)
  • A Cabritinha (2004)
  • Riacho da Pedreira (2005)
  • O Ténis (2005)
  • A Padaria (2006)
  • Use Álcool (2007)
  • Fui Acudir (2008)

Na súa discografía, o artista conta tamén con diversos álbums compostos esencialmente por temas instrumentais de acordeón. En maio de 2007, Quim Barreiros lanzou o álbum Use Álcool, no cal existe unha peza na que lle canta ó seu neto, abrindo ao público unha xanela para un lado seu máis afectivo e sentimental, raramente visto no artista.

DVD[editar | editar a fonte]

  • Quim Barreiros ao Vivo (2006)

Véxase tamén[editar | editar a fonte]

Ligazóns externas[editar | editar a fonte]