Provincia de San Juan

Na Galipedia, a Wikipedia en galego.
Provincia de San Juan
Bandera de la Provincia de San Juan.svg Escudo de la Provincia de San Juan.svg
Capital
poboación (ano)
San Juan
109.123 habitantes (2010)
Provincia de San Juan (Argentina).svg
Gobernador José Luis Gioja (FPV)
Superficie 89.651 km²
Poboación
Densidade
681.055 hab.(2010)
7,59 hab./km²
Xentilicio sanjuanino/a

A provincia de San Juan[1] é unha das 23 provincias de Arxentina. Ten unha poboación de 681.055 habitantes (2010) e a súa capital é San Juan.

Situada no centro oeste do país, na Rexión de Cuyo. O seu territorio está dividido en 19 departamentos. Limita polo norte e leste coa Provincia de La Rioja, polo sueste coa de San Luis, polo sur con Mendoza e polo oeste coa República de Chile, cun límite que está determinado pola divisoria de auga da cordilleira dos Andes.

O territorio desta provincia posúe 89 651 km², onde prima un relevo montañoso intercalado por vales e travesías baixo un clima, predominante, temperado seco, cunha marcada escaseza de cursos hídricos superficiais. Nos vales atópanse os oasis, produto do embalsamento e sistematización dos ríos xerados polo desxeo da cordilleira. En ditos espazos é onde se concentra a poboación. Entre estes destaca o oasis do Tulum, onde se empraza o Gran San Juan, núcleo urbano que concentra máis do 60% da poboación total da provincia.

Nos oasis prima a actividade agrícola, destacando a viticultura, actividade que tipifica a provincia. Ademais ten gran protagonismo a olivícola; como tamén unha boa variedade de froitas e hortalizas. Das dúas primeiras actividades, principalmente, despréndese un complexo agroindustrial coa elaboración de viño, sendo esta provincia a segunda produtora en volume a nivel nacional; posuíndo á súa vez destacados viños.[2] Así mesmo tamén se producen grandes volumes de aceite de oliva.

Ademais da actividade agrícola nos oasis, tamén destaca unha crecente e importante actividade mineira. Na provincia extráese e procésase unha diversidade importante de minerais, tanto metalíferos como ouro e prata, e non metalíferos, como a calcaria para a produción do cal.

No que respecta ao turismo, os atractivos internacionais máis importantes son o montañismo, co cerro Mercedario e, desde un punto de vista científico, Ischigualasto, un importante xacemento paleontolóxico de estrañas xeoformas, que data do período triásico. O turismo enolóxico creceu considerablemente nos últimos anos; así como tamén os deportes de aventura como o rafting e o windcar, practicado este último nun lugar coñecido como a Pampa del Leoncito, entre outros. Tamén é bastante coñecida polo turismo relixioso, co moi visitado Oratorio da Defunta Correa.

Notas[editar | editar a fonte]

  1. Diciopedia do século 21. 3. Isaac Díaz Pardo, Víctor F. Freixanes, Antón Mascato (edición). Editorial Galaxia. 2007. p. 1872. ISBN 9788482893600. 
  2. Cuatro vinos de San Juan, entre los mejores del mundo

Véxase tamén[editar | editar a fonte]

Ligazóns externas[editar | editar a fonte]