Portal:Ballet

Na Galipedia, a Wikipedia en galego.

Ballet

editar

Snowdance.jpg

O ballet ou danza clásica é un xénero dramático cuxa acción se representa por medio de pantomimas e danzas. É, tamén, o nome específico dado a unha forma concreta de danza e a súa técnica. Segundo as épocas, os países ou as correntes o espectáculo coreográfico pode incluír ademais de danza e música (de orquestra e coral), mímica, texto, decorados e maquinaria. Tamén se utiliza o termo ballet para designar á peza musical composta para que ser interpretada por medio da danza. O ballet está considerado como unha das artes escénicas.

O ballet pode ser unha peza autónoma, mais tamén se pode intercalar entre as escenas dunha ópera ou dunha obra de teatro a modo de divertimento.

Artigo destacado

editar

Stravinsky Nijiinsky.jpg
Petrushka (en francés Pétrouchka e en ruso Петрушка) é un ballet nun acto e catro escenas coreografiado por Michel Fokine para os Ballets Russes, sobre música de Igor Stravinsky. O ballet foi composto entre 1910 e 1911 (posteriormente revisado en 1947) e estreado no Théâtre du Châtelet de París o 13 de xuño de 1911 coreografiado por Michel Fokine, e con Vátslav Nizhinski e Tamara Karsávina nos papeis principais.

A obra caracterízase entre outras cosas polo chamado acorde de Petrushka, que consistente nun acorde de Do Maior e Fa sostido Maior tocados simultáneamente (politonalidade), que adoita acompañar a aparición do personaxe de Petrushka (unha marioneta de palla e serrín tradicional rusa de carácter bufo e burlón, que equivalería ao Polichinela, que cobra vida e desenvolve a capacidade de sentir) case a modo de leitmotiv.

O ballet narra o triángulo amoroso entre tres marionetas (Petrushka, a Bailarina e o Mouro) dun teatro de marionetas na feira do Entroido de San Petersburgo (Rusia).

Imaxe destacada

editar

PointeShoes.jpg
Zapatillas de ballet dunha bailarina en pointe.
Vexa o artigo en pointe
Personalidade destacada

editar

Ballet Goes To the Factory- Dance and Entertainment Organised by the Council For the Encouragement of Music and the Arts, England, 1943 D14038.jpg
Marie Rambert (orixinalmente Cyvia Rambam), nada o 20 de febreiro de 1888 en Varsovia (actualmente en Polonia e daquela no Reino do Congreso) e finada o 12 de xuño de 1982 en Londres (Inglaterra), foi unha bailarina e pedagoga de orixe polonesa naturalizada británica. Rambert exerceu unha forte influencia no ballet británico, tanto como bailarina como pedagoga, sendo nomeada Dame Commander of the Most Excellent Order of the British Empire, e recibindo por parte da Royal Academy of Dance o Queen Elizabeth II Coronation Award.

Ao longo da súa traxectoria participou no corpo de baile dos Ballets Russes de Sergei Diaghilev (colaborando con Vaslav Nijinsky nesa compañía na representación de Le Sacre du printemps de Igor Stravinsky), antes de fundar a súa propia compañía de danza, o Ballet Rambert (actualmente denominado Rambert Dance Company, que Despois de instalarse en Hampstead (Inglaterra), comezou a ensinar ballet profesionalmente e foi recoñecida como un dos fundadores do ballet británico moderno. Participou na creación do Royal Ballet e foi un dos membros fundadores da Royal Academy of Dance.

Sabías que...
Categorías

editar

Queres atopar artigos relacionados co ballet? Proba buscando nas seguintes categorías:

Contido relacionado