Porta da India, Mumbai

Na Galipedia, a Wikipedia en galego.
Gateway of India ou Porta da India

A Porta da India ou Gateway of India é un arco de triunfo que se ergue na parte sur da cidade india de Mumbai (tamén coñecida como Bombai), nunha explanada fronte ao mar.

Características[editar | editar a fonte]

Deseñado en estilo indo-mouro polo arquitecto escocés George Wittet (1878-1926), foi levantado para commemorar a visita do rei Georges V e da raíña Mary a Bombai, antes do darbâr (ou audiencia pública) de Delhi en decembro de 1911. Utilizouse para construíla basalto amarelo de Kharodi reforzado con formigón armado. A cúpula central ten 15 metros de diámetro e acada 26 metros de altura no seu punto máis alto.

Sita no porto da cidade, a Porta estaba pensada para formar parte dun conxunto máis amplo e que non foi nunca construído por falta de fondos. A mesma porta non foi en realidade rematada por completo até 1924 e inaugurada o 4 de decembro dese mesmo ano polo vicerrei Rufus Isaacs, conde de Reading. As derradeiras tropas británicas que saíron da India, xa independizada, pasaron baixo a Porta o 28 de febreiro de 1948.

Véxase tamén[editar | editar a fonte]

Commons
Commons ten máis contidos multimedia sobre: Porta da India, Mumbai

Outros artigos[editar | editar a fonte]