Ponte romana de Córdoba

Na Galipedia, a Wikipedia en galego.

Coordenadas: 37°52′36″N 04°46′40″W / 37.87667°N 4.77778°W / 37.87667; -4.77778

Ponte romana de Córdoba
Puentecordobanuevo.JPG
Río Guadalquivir
Concello Córdoba
Provincia Córdoba
Data Seculo I
Lonxitude 332 m
Ancho 9 m
Gálibo
Tipo romano
Material pedra

A Ponte romana de Córdoba foi construída a principios do Século I, durante a época de dominación romana en Córdoba, sobre o río Guadalquivir (probablemente sustituíndo a unha máis primitiva feita en madeira). Ten unha lonxitude duns 332 metros e está composto por 16 arcos. Foi un importante medio de entrada á cidade desde a zona sur da Península Ibérica por se-lo único punto para cruzar este río sen utilizar ningún tipo de embarcación. Probablemente a Via Augusta que ía desde Roma ata Cádiz pasaba por el.

Historia[editar | editar a fonte]

Desde a época musulmana encontramos nun extremo a torre defensiva da Calahorra e no outro a Porta da Ponte. A porta actual é obra do arquitecto Hernán Ruíz en 1572. No centro da ponte atopamos un triunfo de San Rafael (anxo custodio, que non patrón, da cidade), que data de 1651, obra do escultor Bernabé Gómez del Río.

Foi reconstruída en numerosas ocasións, principalmente durante o Califato de Córdoba, despois da Reconquista e finalmente nos albores do século XX. A principios do século XXI foi convertida en ponte peonil. Ente 2006 e 2008 foi obxecto dunha restauración integral.

No seu entorno podemos encontrar unha pequena reserva natural chamada os Sotos de la Albolafia, onde aniñan moitas especies de aves, algunhas delas en perigo de extinción, e onde se conserva un antigo muíño de auga.

Galería de imaxes[editar | editar a fonte]

Véxase tamén[editar | editar a fonte]

Commons
Commons ten máis contidos multimedia sobre: Ponte romana de Córdoba

Ligazóns externas[editar | editar a fonte]