Ponte de Rande

Ponte de Rande
Río	Ría de Vigo
Concello	Redondela-Moaña
Provincia	Pontevedra
Data	1978
Lonxitude	1.558 metros
Ancho
Gálibo
Tipo	Tirante
Material	Formigón (columnas) e aceiro (taboleiro)

A ponte de Rande une Redondela coa Península do Morrazo. Na parte de Redondela a ponte comeza no barrio de Cabanas, parroquia de San Vicente de Trasmañó. Aínda que tradicionalmente está atribuída a Rande, a parroquia de Santo André de Cedeira tamén pertence a Redondela. Baseada nun proxecto de Fabrizio de Miranda, Florencio del Pozo e Alfredo Passaro e construída no 1978, é, cos seus 1.558 metros de lonxitude, os seus 401 metros de distancia entre os piares centrais e os 148 metros de altura dos mesmos, unha das pontes de tirantes mais longas do mundo e a máis longa da Península Ibérica, e no momento da súa inauguración era a ponte de máis de dous carrís máis longa do mundo.

Forma parte da Autoestrada do Atlántico e é un dos emblemas da Ría de Vigo e Galiza. Actualmente soporta un tráfico duns 50.000 vehículos ao día. Dende a súa apertura ao tráfico en 1981, xa pasaron por el 231 millóns de vehículos e o seu custo (3.658 millóns de pesetas) xa foi amortizado varias veces grazas ás peaxes. Por mor deste intenso tráfico está prevista a súa ampliación cun carril mais por sentido polo lado exterior da ponte, que serían exclusivos para o acceso ó Corredor do Morrazo.

Galería de imaxes

Artigo principal: Galería de imaxes da Ponte de Rande.

• 
• 
• 
• 

Bibliografía

• Florencio del Pozo Frutos, Revista de Obras Públicas, Cimentación del Puente de Rande, outubro de 1978, (en castelán).

Ligazóns externas

• Modelo en 3D en Google Earth (cómpre ter Google Earth instalado).
• Nicolas Janberg's Structurae.