Ponte Vasco da Gama

Na Galipedia, a Wikipedia en galego.

Coordenadas: 38°45′52″N 9°02′45″W / 38.76444°N 9.04583°W / 38.76444; -9.04583

Ponte Vasco da Gama
Vasco de Gama bridge side.jpg
Río Río Texo
Concello
Provincia
Data 1998
Lonxitude 17,2 km
Ancho
Gálibo
Tipo alintelado / pénsil
Material formigón armado e aceiro

A Ponte Vasco da Gama é unha ponte pénsil de tirantes sobre o río Texo, na área da Grande Lisboa, ligando o Montixo e Alcochete a Sacavém, moi próximo do Parque das Nacións, onde se realizou a Expo 98. Inaugurada a 4 de abril de 1998, a ponte é a máis longa de Europa e a cuarta máis extensa do mundo, cos seus 17,2 km de lonxitude, dos cales 10 están sobre as augas do esteiro do Texo. O van (lonxitude do taboleiro) do taboleiro central é de 420 metros. Foi construída a fin de constituír unha alternativa á ponte 25 de Abril para o tránsito que circula entre o norte e o sur do país na zona da capital portuguesa.

Durante a súa construción foi necesario tomar especiais coidados co impacto ambiental, visto que atravesa o Parque Natural do Esteiro do Texo, unha importante área a escala europea de alimentación e aniñadoiro de aves acuáticas. Foi tamén necesario proceder ao realoxamento de 300 familias.

O nome da ponte conmemora os 500 anos da chegada de Vasco da Gama á India, en 1498.

É unha das máis altas construcións de Portugal, con 148 metros de altura.

Galería de imaxes[editar | editar a fonte]

Panorámica da Ponte Vasco da Gama

Panorámica da Ponte Vasco da Gama


Véxase tamén[editar | editar a fonte]

Commons
Commons ten máis contidos multimedia sobre: Ponte Vasco da Gama

Ligazóns externas[editar | editar a fonte]