Polisoma

Na Galipedia, a Wikipedia en galego.

Un polisoma ou polirribosoma é un conxunto de ribosomas que están unidos a un mesmo ARNm, e o están traducindo simultaneamente todos eles.

Existen tanto en eucariotas coma en procariotas. Poden aparecer libres no citosol, unidos ao citoesqueleto ou unidos a membranas (os ribosomas do retículo endoplasmático rugoso tamén poden formar polisomas). En micorscopía poden aparecer como agrupacións, ter forma liñal ou forma de rosetas circulares ou espiraladas.[1]

Os ARN mensaxeiros de células procariotas e eucariotas poden ser traducidos simultaneamente por moitos ribosomas, orixinando rapidamente moitas copias dunha mesma proteína. Unha vez que un primeiro ribosoma se afasta do sitio de iniciación da tradución (codón de iniciación), outro pode unirse ao ARNm e iniciar a síntese dunha nova copia desa cadea polipeptídica. A separación entre os ribosomas dun polisoma é de aproximadamente 100-200 nucleótidos [2], xa que os impedimentos estéricos imposibilitan que se encontren máis preto. Por tanto, a pesar de estaren traducindo a mesma secuencia, cada ribosoma está sintetizando un punto diferente da proteína, e os ribosomas que están máis preto do codón de iniciación levan sintetizada unha fracción menor da proteína ca os que están chegando ao codón de finalización. Cando chegan ao final do ARNm saen do polirribosoma.

Foron descubertos e caracterizados por Jonathan Warner, Paul Knopf, e Alex Rich en 1963. [3]

Notas[editar | editar a fonte]

  1. Harvey Lodish (1999). "4.5. Stepwise Formation of Proteins on Ribosomes". Molecular cell biology. New York: Scientific American Books. ISBN 0-7167-3136-3. http://www.ncbi.nlm.nih.gov/books/bv.fcgi?rid=mcb.section.901#914. ISBN 0-7167-3136-3. [1]
  2. Cooper, Geoffrey M. ; Hausman, Robert E. (2011). "Capítulo 8: Síntesis de proteínas, procesamiento y regulación". La Célula (5ª ed.). Marbán. ISBN 9788471018113. http://books.google.com/books?id=5y7aGAAACAAJ. Consultado o 29 de junio de 2010.  [2]
  3. Warner JR, Knopf PM, Rich A (1963). "A multiple ribosomal structure in protein synthesis". Proc. Natl. Acad. Sci. U.S.A. 49: 122–129. Bibcode 1963PNAS...49..122W. DOI:10.1073/pnas.49.1.122. PMC 300639. PMID 13998950. //www.pubmedcentral.nih.gov/articlerender.fcgi?tool=pmcentrez&artid=300639.  Summary

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]