Plasmodio
- Para os protozoos produtores da malaria ver Plasmodium. Non confundir con plasmidio.
Un plasmodio é unha masa de protoplasma ameboide sen parede, multinucleada, que contén moitos núcleos diploides e é o resultado de moitas divisións celulares sen citocinese.[1]
O termo xeralmente se refire ao estadio alimenticio dos mofos mucosos (como os mixomicetos).[2] Pero o termo tamén pode utilizarse para referirse aos estadios multinucleados doutros organismos, nos seguintes casos:
- Plasmodio merogonial e plasmodio esporogonial dos protozoos parasitos intracelulares do antigo subfilo dos Cnidospora (Microsporidios e Mixosporidios).
- Plasmodios do xénero Plasmodium de protozoos do filo Apicomplexa causantes da malaria.
- Protoplastos ameboides multinucleados e sen parede celular formados por fusión de células (sincitios) dalgunhas algas como por exemplo as Chlorarachniophyta.[3]
Notas[editar | editar a fonte]
- ↑ Sharma OP. (1988). "4. Myxomycota". Textbook of Fungi. Boston: McGraw Hill Higher Education. pp. 33–48. ISBN 0-07-460329-9. Consultado o January 31, 2013.
- ↑ Berg, Linda (2008). Introductory Botany: Plants, People, and the Environment (2nd ed.). Belmont CA: Thomson Corporation. p. 398. ISBN 0-03-075453-4.
- ↑ Hoek, C. van den, Mann, D.G. and Jahns, H.M. (1995). Algae An Introduction to Phycology. Cambridge University Press, Cambridge. ISBN 0-521-30419-9.
